Styrkleikarnir á Selfossi 29. - 30. apríl
Taktu þátt í Styrkleikunum skráning er hafin. Viðburðurinn er öllum opinn og það kostar ekkert að vera með. Styrkleikarnir eru fjölskylduviðburður sem snýst um að styðja við, heiðra eða minnast þeirra sem hafa fengið krabbamein. Leikarnir standa yfir í heilan sólarhring, sem er táknrænt fyrir að það fæst engin hvíld frá krabbameini.
Styrkleikarnir verða haldnir í annað sinn á Selfossi 29. - 30. apríl.
- Viðburðurinn er öllum opinn og það kostar ekkert að vera með.
- Staðsetning: Lindexhöllin (Íþróttavöllurinn) Engjavegi 50 á Selfossi.
Þegar einstaklingur greinist með krabbamein hefur það áhrif á alla í kringum hann. Enginn tekst á við þennan sjúkdóm einn. Stórfjölskylda, vinir og vinnufélagar vilja allir sýna stuðning en oft getur verið erfitt að vera til gagns.
Styrkleikarnir eru fjölskylduviðburður sem snýst um að styðja við, heiðra eða minnast þeirra sem hafa fengið krabbamein. Leikarnir standa yfir í heilan sólarhring, sem er táknrænt fyrir að það fæst engin hvíld frá krabbameini. Sá eða sú sem tekst á við krabbamein gerir það allan sólarhringinn. Styrkleikarnir eru hluti af alþjóðlega viðburðinum Relay for Life sem haldinn er árlega í um 30 löndum í heiminum.
Allir geta tekið þátt í Styrkleikunum. Fjölskyldur, vinahópar, fyrirtæki, íþróttafélög, félagasamtök skrá sig sem lið. Liðsfélagarnir skiptast svo á að ganga með boðhlaupskefli í heilan sólarhring. Þess á milli er hægt að taka þátt í fjölbreyttri dagskrá á svæðinu. Þetta er ekki keppni heldur snúast Styrkleikarnir um samstöðu, samveru og samtakamátt liðanna í að styðja við, heiðra eða minnast einstaklinga sem hafa fengið krabbamein.
- Mikil stemming og samhugur ríkti á fyrstu Styrkleikum Krabbameinsfélagsins, sem haldnir voru á Selfossi 2022, eins og sjá má á meðfylgjandi myndbandi.
https://www.youtube.com/watch?v=xXbWXEUNVlo
Styrkleikarnir eru haldnir af sjálfboðaliðum til að sýna stuðning, safna fé til krabbameinsrannsókna og veita krabbameinsgreindum ráðgjöf og þjónustu.
Ekki láta þig vanta á Styrkleikana.
- Kynntu þér allt um Styrkleikana hér og fylgstu með á Facebooksíðu Styrkleikana.