Vandann verður að leysa og lausnin er til
Krabbameinsfélagið hefur átt í viðræðum um vandann við fulltrúa Landspítala í eitt og hálft ár. Fulltrúar spítalans deila þeirri skoðun félagsins að vandinn er mjög aðkallandi.
Til að viðhalda góðum árangri í meðferð krabbameina og gera enn betur verður aðstaða að vera fyrsta flokks.
https://www.youtube.com/watch?v=U0bfJxO-pZE&t=1s
Landspítali hefur unnið hugmyndir að lausn, sem hægt er að vinna á næstu þremur árum.
Tillaga Landspítala
Á Landspítala hefur verið unnin tillaga að lausn á vanda deildarinnar. Um er að ræða lausn sem nýtist til frambúðar og passar vel við staðsetningu annarrar þjónustu við fólk með krabbamein á spítalanum.
- K-bygging er bakvið aðalbygginu Landspítala og hefur hún staðið hálfkláruð um áratugaskeið.
- Niðurstaða frumathugunar, byggð á fyrirliggjandi gögnum, er að brýnt sé að ráðast í byggingu viðbyggingar við K-byggingu um 1112m², til að rúma dagdeild blóð- og krabbameinslækninga á einni hæð, um 970m².
- Deildin yrði þar í nálægð við geislameðferð krabbameinslækninga á 10K og legudeildir blóð- og krabbameinslækninga á E og G. Ekki er gert ráð fyrir að dagdeildin fari í nýjan meðferðarkjarna og staðsetningin því hugsuð til lengri tíma.
- Kostnaðaráætlun
framkvæmda byggt á þessari frumáætlun er um 1.260
m.kr með kostnaði við nauðsynlegar breytingar og tilfærslur innanhúss.
- Deiliskipulag liggur fyrir. Framkvæmdin er tiltölulega einföld þannig að hægt yrði að taka nýja
deild í notkun í upphafi
árs 2024.
Leysum málið – lausnin er til!