Býrð utan höfuð­borgar­svæðisins?

Býrð þú utan höfuðborgarsvæðisins eða átt erfitt með að komast að heiman?

Ráðgjafarþjónusta Krabbameinsfélagsins er upplýsinga og stuðningsþjónusta fyrir fólk sem greinst hefur með krabbamein og fyrir aðstandendur. Þjónustan er einnig fyrir þá sem hafa misst nákominn úr krabbameini.

Markmið Ráðgjafarþjónustunnar er að aðstoða fólk við að ná jafnvægi í lífinu við þær breyttu aðstæður sem greining krabbameins veldur. Hjá Ráðgjafarþjónustunni er boðið upp á fræðslu, viðtöl, faglega ráðgjöf, djúpslökun, ýmis námskeið og hagnýtar upplýsingar um réttindi fólks með krabbamein. Hjá Ráðgjafarþjónustunni starfa félagsráðgjafar, hjúkrunarfræðingar, sálfræðingur og kynfræðingur.

Mikið er lagt upp úr jafningastuðningi í gegnum stuðningsnet félagsins, stuðningshópa og aðildarfélaga þess. Það er vilji félagsins að aðgengi að þessari þjónustu sé sem best um land allt, í samvinnu við aðildarfélög.

Þjónustan er í boði fyrir fólk hvaðan af landinu sem er.

Ráðgjafarþjónustan vill leggja sig fram við að mæta fólki sem býr utan höfuðborgarsvæðisins eða á erfitt með að koma og hitta okkur vegna búsetu eða aðstæðna. Hér viljum við benda þér á nokkra möguleika sem þú hugsanlega gætir nýtt þér.

Nú er Ráðgjafarþjónustan Krabbameinsfélagsins með starfmenn á fjórum stöðum á landsbyggðinni

Á Akureyri hjá Krabbameinsfélagi Akureyrar og nágrennis (KAON), Austurlandi þar sem starfsstöðin er á Egilsstöðum, Selfossi þar er starfsstöð á Heilbrigðisstofnun Suðurlands (HSU) og á Suðurnesjum er starfstöð í Ráðhúsi Reykjanesbæ. Viðtöl eru fólki að kostnaðarlausu.

  • Á Akureyri í samstarfi við KAON . Skrifstofa er til húsa að Glerárgötu 34 annarri hæð og er opin mánudaga til fimmtudaga frá kl. 10-16, sími 461 1471 . Hægt er að koma án þess að gera boð á undan sér en einnig hægt að panta tíma eða senda fyrirspurn á kaon@krabb.is

    Ráðgjafar eru Katrín Ösp Jónsdóttir, hjúkrunarfræðingur og Regína Ólafsdóttir, sálfræðingur.
  • Á Austurlandi í samstarfi við aðildarfélögin á Austurlandi, Fljótsdalshérað og Heilbrigðisstofnun Austurlands (HSA) bjóða nú upp á aukna þjónustu á Austurlandi fyrir fólk sem greinst hefur með krabbamein og aðstandendur.

    Boðið er upp á símaráðgjöf alla virka daga milli kl. 9-16 í síma 831 1655 . Einnig er hægt að bóka viðtöl og senda fyrirspurnir á austur@krabb.is. Ráðgjafi er Margrét Helga Ívarsdóttir, læknir.
  • Sumarlokun á Akureyri og Austurlandi verður sem hér segir:

    Akureyri - sumarlokun til og með 6.-24. júlí.
    Austurland - sumarlokun til og með 22. júní - 10. júlí.
    En hægt verður að fá aðstoð og ráðgjöf hjá Ráðgjafarþjónustunni í Reykjavík í síma 800 4040 eða með því að senda tölvupóst á radgjof@krabb.is.

  • Á Selfossi í samvinnu við aðildarfélag Árnessýslu og HSU. Boðið er upp á símaráðgjöf alla virka daga milli kl.9-16 í síma 800 4040, tímapantanir eru á radgjof@krabb.is eða í síma 800 4040.

    Starfsmaður frá Ráðgjafarþjónustu Krabbameinsfélagsins

    Lóa Björk Ólafsdóttir, hjúkrunarfræðingur, er á Selfossi annan hvern föstudag og býður upp á einstaklingsviðtöl hjá HSU.

  • Á Suðurnesjum í samvinnu við aðildarfélag Suðurnesja, Reykjanesbæjar og HSS. Boðið er upp á símaráðgjöf alla virka daga milli kl.9:00-16:00 í síma 800 4040, tímapantanir eru á radgjof@krabb.is eða í síma 800 4040.

    Starfsmaður frá Ráðgjafarþjónustu Krabbameinsfélagsins Kristín Bergsdóttir, hjúkrunarfræðingur, er í Reykjanesbæ annan hvern föstudag og býður upp á einstaklingsviðtöl í Ráðhúsi Reykjanesbæjar, Tjarnargötu 12. 

  • Ferðir á Selfoss og Suðurnes - ráðgjafi frá Ráðgjafarþjónustunni hefur farið að tvisvar í mánuði á Selfoss og á Suðurnes. Vegna sumarfría verður breyting á þjónustunni í júlí ferðir falla niður á Selfoss frá 1.júlí og á Suðurnes frá 13. júlí. En hægt verður að fá aðstoð og ráðgjöf í síma 800 4040 eða með því að senda tölvupóst á radgjof@krabb.is.

Þjónustuskrifstofur á landsbyggðinni
Krabbameinsfélagið rekur þjónustuskrifstofur víðsvegar um landið. Misjafnt er þó á milli staða hversu mikil þjónusta er í boði. Við hvetjum þig til að kynna þér starfsemi í þinni heimabyggð.

Ertu á ferðinni? Má bjóða þér að kíkja við
Ef þú ert að sinna erindum í Reykjavík bendum við á að þú ert velkomin/n að kíkja við hjá okkur í spjall. Við tökum vel á móti þér. Einnig er hægt að panta viðtalstíma við ráðgjafa fyrirfram í síma 800 4040 eða í gegnum netfangið radgjof@krabb.is.

Símaviðtal
Við bjóðum upp á símaviðtal við ráðgjafa hvort sem þú þarft á upplýsingum, ráðgjöf eða stuðningi að halda. Hægt er að hringja frá kl. 10-15 alla virka daga nema fimmtudaga frá kl. 10-18. Ef þér finnst betra að við hringjum í þig, má senda okkur tölvupóst á netfangið radgjof@krabb.is og óska eftir því. Einnig svörum við fyrirspurnum í gegnum tölvupóst.

Fyrirlestrar, ráðstefnur og viðburðir
Hægt er að horfa beint á fyrirlestra og ráðstefnur sem krabbameinsfélagið stendur fyrir eða að horfa á upptökur þegar þér hentar í streymisveitu Krabbameinsfélagsins.

Fræðsluefni á heimasíðu
Á heimasíðu krabbameinsfélagsins er hægt að finna ýmislegt fræðsluefni tengt krabbameini. Ef farið er undir flipann „Ráðgjöf og stuðningur“ Er hægt að finna fræðsluefni um ýmislegt tengt því að greinast með krabbamein eða vera aðstandi. Þar er einnig hægt að sjá viðburði og námskeið sem eru á döfinni hjá Ráðgjafarþjónustunni.  


Var efnið hjálplegt?