Tóbaksvarnir fyrir skóla
Á þessari síðu eru fræðslumyndbönd og próf sem unnin voru af Krabbameinsfélaginu.
Sígarettureykingar eru á miklu undanhaldi en aðeins 3% nemenda í 10. bekk grunnskóla reykja nú daglega sígarettur. Hins vegar hefur orðið mikil aukning í neyslu annarra tóbaksafurða undanfarin ár. Um 23% karla á aldrinum 18-24 ára taka tóbak daglega í vör en munntóbaksnotkun er algengust hjá ungum körlum. Um 26% þeirra sem nota reyklaust tóbak reykja einnig sígarettur. Nýjar kannanir sýna að 46% drengja og 40% stúlkna í framhaldsskólum hafa prófað rafsígarettur. Um 26% tíundubekkinga hafa prófað rafsígarettur. Kannanir benda einnig til þess að um fjórðungur ungra karla á aldrinum 18-24 ára noti munntóbak.
Við hvetjum grunnskóla og framhaldsskóla til að taka þessar fræðslumyndir til sýninga og/eða hafa aðgengilegar fyrir nemendur. Öflugar forvarnir og fræðsla hafa skilað miklum árangri í tóbaksvörnum undanfarna áratugi í góðu samstarfi við skóla og menntastofnanir.
Nánari upplýsingar um fræðslu og forvarnastarf á vegum Krabbameinsfélagsins veitir Sigrún Elva Einarsdóttir fræðslufulltrúi í gegnum netfangið sigrunelva@krabb.is
Fræðslumyndbönd og sjálfspróf
- Myndband um munntóbak og áhrif nikótíns (9:33)
- Myndband um rafsígarettur (5:27)
- Myndband um skaðsemi sígarettureykinga (3:16)
- Fræðslumyndband um rafsígarettur (8:57)
- Fræðsluerindi um rafsígarettur, nikótín, heilsufarsáhrif og markaðssetningu (35:17)
- Létt próf um munntóbaksnotkun
- Létt próf um rafsígarettur
- Létt próf um sígarettureykingar
Límmiðar til að merkja tóbakslaus svæði
Við bjóðum upp á límmiða fyrir fyrirtæki og stofnanir til að merkja tóbakslaus svæði. Mynd af límmiðanum má sjá hér eða neðan.
Vinsamlegast sendu póst á krabb@krabb.is óskir þú eftir að fá senda límmiða.
Með von um að efni síðunnar komi að góðum notum,
Starfsfólk Krabbameinsfélagsins.