Austurland

Ráðgjafarþjónusta Krabbameinsfélagsins er upplýsinga og stuðningsþjónusta fyrir fólk sem greinst hefur með krabbamein og fyrir aðstandendur. Þjónustan er einnig fyrir þá sem hafa misst nákominn úr krabbameini.

Markmið Ráðgjafarþjónustunnar er að aðstoða fólk við að ná jafnvægi í lífinu við þær breyttu aðstæður sem greining krabbameins veldur.

Skrifstofan á Austurlandi er Egilsstöðum og er opin virka daga frá kl. 9-16, sími 831 1655. Viðtöl eru fólki að kostnaðarlausu en nauðsynlegt er að bóka tíma fyrirfram. Einnig hægt að senda fyrirspurnir á austur@krabb.is

Ráðgjafi Krabbameinsfélagsins er Margrét Helga Ívarsdóttir, læknir.

Á heimasíðu Krabbameinsfélagsins er að finna fjölbreytt rafrænt efni:

Fyrirlestrar, ráðstefnur og viðburðir

• Fræðslupistla - um krabbamein, forvarnir, rannsóknir, heilbrigt líf og betri líðan.
• Hlaðvörp - með fjölbreyttum slökunaræfingum auk ýmiss fróðleiks.
• Vefvarp - fræðslu- og æfingarmyndbönd.
• Streymisveita - þar sem hægt er að horfa beint á fyrirlestra og ráðstefnur sem krabbameinsfélagið stendur fyrir eða að horfa á upptökur þegar þér hentar í streymisveitu Krabbameinsfélagsins.
• Blað Krabbameinsfélagsins - þar er að finna viðtöl, greinar, upplýsingar og fróðleik um starfsemi félagsins.

Fræðsluefni á heimasíðu
Á heimasíðu krabbameinsfélagsins er hægt að finna ýmislegt fræðsluefni tengt krabbameini. Ef farið er undir flipann „ Ráðgjöf og stuðningur “ er hægt að finna fræðsluefni um ýmislegt tengt því að greinast með krabbamein eða vera aðstandi. Þar er einnig hægt að sjá viðburði og námskeið sem eru á döfinni hjá Ráðgjafarþjónustunni.