Birna Þórisdóttir 7. apr. 2020

Takk hjúkrunarfræðingar og ljósmæður

Á alþjóðaheilbrigðisdaginn þakkar Krabbameinsfélagið hjúkrunarfræðingum og ljósmæðrum fyrir þeirra mikilvæga framlag í baráttunni gegn krabbameinum. 

Í dag 7. apríl er alþjóðaheilbrigðisdagurinn (World Health Day) og í ár er hann tileinkaður hjúkrunarfræðingum og ljósmæðrum. Þessar stéttir eiga stóran þátt í því að fækka krabbameinum, fækka dauðsföllum af völdum krabbameina og ekki síst bæta lífsgæði fólks með krabbamein.

Hjá Krabbameinsfélaginu starfar nokkur fjöldi hjúkrunarfræðinga og ljósmæðra. Hjúkrunarfræðingar Ráðgjafarþjónustunnar veita margvíslega ráðgjöf og stuðning með það að markmiði að aðstoða fólk við að ná jafnvægi í lífinu eftir þær breyttu aðstæður sem greining krabbameins veldur. Á Leitarstöðinni eru bæði hjúkrunarfræðingar og ljósmæður lykilstarfsmenn, meðal annars má nefna að konur sem eru með einkenni frá brjóstum geta fengið ráðleggingar hjá hjúkrunarfræðingi á Leitarstöðinni og ljósmæður framkvæma leghálsskimun.

Þjónusta við krabbameinssjúklinga byggir á aðkomu og samvinnu margra fagstétta, en á heimsvísu eru hjúkrunarfræðingar stærsti hópur heilbrigðisstarfsmanna. Krabbameinshjúkrunarfræði hefur alþjóðlega viðurkenningu sem sérgrein innan hjúkrunar. Hlutverk krabbameinshjúkrunarfræðinga er að veita árangursríka og örugga hjúkrun sem er byggð á heildrænni sýn og faglegum vinnubrögðum. Krabbameinshjúkrun miðar að því að mæta þörfum og væntingum sjúklings og aðstandenda á öllum þjónustustigum, sinna kennslu, þjálfun og ráðgjöf, og vinna að rannsóknum og notkun á vísindalegri þekkingu í klínísku starfi.

Krabbameinsfélagið óskar hjúkrunarfræðingum og ljósmæðrum félagsins sem og landsins alls til hamingju með daginn og þakkar þeim fyrir þeirra mikilvægu störf.

Textinn um krabbameinshjúkrunarfræði er fenginn úr fréttasafni Krabbameinsfélagsins: Sigríður Zoëga og Nanna Friðriksdóttir. Rannsóknir í krabbameinshjúkrun. Við getum-ég get. 14. nóvember 2016. 


Fleiri nýjar fréttir

29. maí 2020 : Evrópska krabba­meins­vikan #5

Alþjóðlegi tóbakslausi dagurinn 31. maí.
Börn og ungmenni eru markhópur tóbaks- og nikótíniðnaðarins

Lesa meira

28. maí 2020 : Evrópska krabba­meins­vikan #4

Lífið eftir krabbamein

Lesa meira

27. maí 2020 : Evrópska krabbameinsvikan #3

Krabbameinsrannsóknir hafa leitt til stórkostlegra framfara í greiningu og meðferð krabbameina. Verkinu er þó hvergi nærri lokið.

Lesa meira

27. maí 2020 : Sumar­happdrætti Krabba­meins­félagsins - stuðningur við marg­þætta starfsemi

Fræðsla um krabbamein og krabbameins­varnir, útgáfa fræðslurita, tóbaksvarnir og stuðningur við krabbameinssjúklinga eru allt þættir í starfsemi félagsins sem byggjast á fjárhagsstuðningi við félagið.

Lesa meira

26. maí 2020 : Evrópska krabbameinsvikan #2

Taktu góðar ákvarðanir fyrir þig og þína! 

Lesa meira

Var efnið hjálplegt?