Sigriður Sólan Guðlaugsdóttir 13. jún. 2019

Lagabreyting mikil réttarbót fyrir börn sem aðstandendur

Krabbameinsfélagið fagnar breytingum á sex lögum sem leiða til úrbóta og aukins stuðnings við barnafjölskyldur í erfiðum aðstæðum vegna veikinda eða andláts foreldris. 

Um er að ræða lög um réttindi sjúklinga, lög um heilbrigðisstarfsmenn, Barnalögin, Lög um leikskóla, lög um grunnskóla og lög um framhaldsskóla.

Hér á landi hefur lítið verið hugað að rétti barna sem eiga foreldri sem glímir við alvarleg veikindi eða missa foreldri, vegna sjúkdóms eða af slysförum, þrátt fyrir að Barnasáttmáli Sameinuðu þjóðanna hafi verið lögfestur hér á landi árið 2013. Í honum felst að virða skuli rétt barna til að viðhalda auðkennum þess sem einstaklings, þar með eru talin fjölskyldutengsl.

Að frumkvæði Jóns Bjarnasonar, fyrrverandi alþingismanns og ráðherra var gerð rannsókn á stöðu þessara barna undir forystu Sigrúnar Júlíusdóttur, prófessors í félagsráðgjöf í Háskóla Íslands. Niðurstöður rannsóknarinnar voru gefnar út í þremur skýrslum árin 2015, 2017 og 2018 í ritröð Rannsóknarstofnunar í barna- og fjölskylduvernd . Að rannsóknunum stóð auk Sigrúnar þverfaglegur hópur fagfólks frá Krabbameinsfélagi Íslands og Landspítalanum.

Niðurstöður rannsóknanna sýndu að huga þarf mun betur að líðan og réttindum barna í þessum aðstæðum, bæði á spítala og í skóla. Eftir andlát foreldris þurfi enn fremur að gæta vel að því að viðhalda fjölskyldutengslum barna við nána vandamenn hins látna foreldris.

Erlendar rannsóknir hafa einnig leitt í ljós að áföll í bernsku, eins og það að missa foreldri, geta haft afdrifarík áhrif á barn til langframa, heilsu þess, námsframvindu og framtíð sem samfélagsþegns.

„Þessar lagabreytingar eru mikil réttarbót fyrir börn og það var löngu kominn tími á þær hér á landi. Þannig getum við tryggt börnum sem fá það erfiða verkefni að takast á við veikindi eða andlát foreldris rétt sinn. Í þeim tilfellum þar sem foreldri deyr, eru tengsl barna við fjölskyldu þess foreldris gríðarlega mikilvæg. Því miður rofna sú tengsl stundum, en með lagabreytingunni á að tryggja þeim þann rétt sinn,“ segir Gunnjóna Una Guðmundsdóttir, félagsráðgjafi hjá Krabbameinsfélaginu sem stóð að rannsókninni fyrir hönd Krabbameinsfélagsins.


Fleiri nýjar fréttir

19. ágú. 2022 : Enn styrkist þekkingargrunnurinn sem undirstrikar mikilvægi forvarna gegn krabbameinum

Niðurstöður nýrrar rannsóknar sem birtust í Lancet tímaritinu í vikunni benda til þess að í næstum helmingi tilfella dauðsfalla af völdum krabbameina megi rekja orsök meinanna til áhættuþátta sem koma mætti í veg fyrir. Á meðal þessara áhættuþátta eru þeir þrír helstu tóbaksreykingar, áfengisneysla og of mikil líkamsþyngd.

Lesa meira
Gunnar Ármannsson hlaupari

18. ágú. 2022 : Heilsufarsávinningur fyrir þig og leið til að styðja góð málefni - það gerist varla betra!

Í gegnum áratugina hefur Reykjavíkurmaraþonið verið hvati margra til að fara að stunda regluleg hlaup og göngur sem er sannarlega frábært því að þeir sem stunda reglulega hreyfingu draga úr líkum á krabbameinum og fjölda annarra sjúkdóma.

Lesa meira

10. ágú. 2022 : Meðvera ný samskiptagátt bætir þjónustu við krabbameinssjúklinga

Krabbameinsfélagið er afar stolt af því að hafa átt þátt í að koma þessu þarfa verkefni á laggirnar. Það var brýnt að finna nýjar og nútímalegri leiðir til að tryggja og efla samskipti milli fagfólks og þeirra sem eru í krabbameinsmeðferð.

Lesa meira

9. ágú. 2022 : Embætti landlæknis og Krabbameinsfélagið endurnýja þjónustusamning um Krabbameinsskrá

Halla Þorvaldsdóttir, framkvæmdastjóri Krabbameinsfélagsins segir það mikið ánægjuefni að gengið hafi verið frá áframhaldandi samkomulagi um rekstur skrárinnar sem hefur verið starfrækt hjá félaginu af mikilli fagmennsku í nærri 70 ár. Það er trú okkar að með því að hún sé hluti af Rannsókna- og skráningarsetri félagsins séu bæði gæði og hagnýting skrárinnar sem best tryggð“ segir Halla.

Lesa meira

12. júl. 2022 : Slökkviliðsstörf eru krabbameinsvaldandi

Alþjóðlega krabbameinsrannsóknarstofnunin (IARC), hefur breytt hættu­flokk­un starfs slökkviliðsmanna í staðfest krabba­meinsvald­andi varðandi krabbamein í fleiðru og krabbamein í þvagblöðru.

Lesa meira

Var efnið hjálplegt?