Sigriður Sólan Guðlaugsdóttir 29. okt. 2018

Áskorun send á heilbrigðisráðherra

Málþing um brjóstakrabbamein var haldið á dögunum þar sem skorað var á heilbrigðisráðherra að endurvekja vinnu við krabbameinsáætlun þegar í stað.

Málþing um brjóstakrabbamein frá skimun til endurhæfingar var haldið þriðjudaginn 16. október síðastliðinn undir yfirskriftinni: Doktor Google og Google Maps.

Málþingið var vel sótt, en að því stóðu Brjóstaheill – Samhjálp kvenna, Krabbameinsfélag höfuðborgarsvæðisins og Ráðgjafarþjónusta Krabbameinfélagsins.

Krabbameinsáætlun og mikilvægi hennar var eitt þess sem nefnt var og vísað í nýútkomna grein í Lancet um krabbameinsáætlanir þar sem fram kom að árið 2012 var Ísland í hópi fimm Evrópulanda, án krabbameinsáætlana. Hin löndin voru Austurríki, Búlgaría, Lúxemburg og Slóvakía.

Alþjóðaheilbrigðismálastofnunin gaf út leiðbeiningar árið 2002 um gerð krabbameinsáætlana, sem í stuttu máli eru áætlanir þjóðar eða ríkis um það hvernig vinna á að því að fækka nýgreiningum, draga úr dánartíðni vegna krabbameina og bæta lífsgæði einstaklinga með krabbamein.

Krabbameinsáætlanir hafa sannað gildi sitt í nágrannalöndum okkar.

Velferðarráðuneytið gaf út tillögur að krabbameinsáætlun til ársins 2020 í maí 2017 en af þeim hefur ekki spurst frekar síðan.

Málþingið skorar á heilbrigðisráðherra að endurvekja vinnu við krabbameinsáætlun með hagsmunaaðilum þegar í stað, með það að markmiði að ljúka vinnunni sem fyrst.

Hér má skrifa undir áskorun félagsins til yfirvalda um að gefa lýðheilsu meira vægi og efla forvarnir gegn krabbameinum og að beita sér fyrir bættri lýðheilsu meðal almennings.

 


Fleiri nýjar fréttir

Screen-Shot-2021-05-05-at-10.14.07

5. maí 2021 : 70 andlit fyrir 70 ár - Sigurður Yngvi Kristinsson

Sigurður Yngvi Kristinsson er prófessor í blóðsjúkdómum við Háskóla Íslands. Hann hefur leitt rannsóknarverkefnið Blóðskimun til bjargar - sem hefur átt samastað í húsakynnum Krabbameinsfélagsins og fengið dyggilegan stuðning úr Vísindasjóði félagsins. 

Lesa meira
Barn_solgleraugu

29. apr. 2021 : Sólarvarnir leikskólabarna: þetta þarftu að vita

Eitt af markmiðum Krabbameins­félagsins er að fækka þeim sem fá krabbamein með öflugum forvörnum. Sólarvarnir skipta miklu máli fyrir alla og sérstaklega fyrir börn, sem eru viðkvæmari fyrir sólargeislum, en skaði af völdum sólar getur leitt til húðkrabbameins síðar á ævinni.

Lesa meira

29. apr. 2021 : 70 andlit fyrir 70 ár - Áslaug Arna Sigurbjörnsdóttir

Á afmælisárinu ætlum við að birta 70 myndir eða myndskeið af fólki sem hefur komið við sögu í baráttunni gegn krabbameinum í 70 ára sögu félagsins. Áslaug Arna Sigurbjörnsdóttir er eitt af 70 andlitum Krabbameinsfélagsins.

Lesa meira
Redcross_halla

28. apr. 2021 : Rúmlega 500 sokkar til verkefna Rauða krossins

Skjólstæðingar mannúðarverkefna Rauða krossins á Íslandi fá nýja sokka í sumargjöf frá Krabbameinsfélaginu. Um er að ræða litríka Mottumarssokka sem vekja vonandi lukku enda fátt þægilegra en að smeygja sér í nýja sokka. 

Lesa meira

27. apr. 2021 : Síðasta tækifæri til að taka þátt í Áttavitanum

Áttavitinn er umfangsmikil rannsókn um hagi og líðan þeirra sem greinst hafa með krabbamein á Íslandi. Markmiðið er að finna leiðir til að bæta meðferðarferlið fyrir bæði krabbameinsgreinda og aðstandendur þeirra. 

Lesa meira

Var efnið hjálplegt?