Ása Sigríður Þórisdóttir 21. sep. 2021

Vilt þú taka þátt í baráttunni gegn krabbameinum?

Krabbameinsfélagið leitar að metnaðarfullum starfsmönnum sem hafa brennandi áhuga á að vinna að markmiðum félagsins: að fækka þeim sem greinast með krabbamein, draga úr dauðsföllum af völdum krabbameina og bæta lífsgæði sjúklinga og aðstandenda þeirra.

Krabbameinsfélagið leitar að metnaðarfullum starfsmönnum sem hafa brennandi áhuga á að vinna að markmiðum félagsins: að fækka þeim sem greinast með krabbamein, draga úr dauðsföllum af völdum krabbameina og bæta lífsgæði sjúklinga og aðstandenda þeirra.

Fræðsla og forvarnir:

Rannsóknir sýna að hægt er að koma í veg fyrir fjögur af hverjum tíu krabbameinum. Stóra áskorunin er að hagnýta þekkinguna, þannig að krabbameinum fækki í framtíðinni.

Við leitum að að skapandi, skipulögðum, sjálfstæðum og drífandi eldhuga til starfa að fræðslu og krabbameinsforvörnum. Starfshlutfall er samkomulagsatriði. Starfið er fjölbreytt og felst meðal annars í að miðla upplýsingum með fjölbreyttum hætti efni til ólíkra markhópa, uppfæra efni, fylgjast með nýjungum og vinna með samstarfsaðilum.

Starfið gerir kröfu um mikla færni í að tjá sig í riti og ræðu, þjónustulund, sjálfstæði og frumkvæði í starfi, skipulagshæfileika, færni og lipurð í samskiptum. Umsækjendur skulu vera heilbrigðisstarfsmenn. Viðbótarmenntun sem nýtist í starfi er kostur. Góð íslenskukunnátta er áskilin svo og þekking á ensku og Norðurlandamáli.

Umsóknir, ásamt náms- og starfsferilsskrám og afritum af prófskírteinum og starfsleyfum, skal senda Sigrúnu Elvu Einarsdóttur, teymisstjóra, á netfangið sigrune@krabb.is í síðasta lagi 27. september nk. Sigrún Elva veitir einnig nánari upplýsingar.

Sálfræðiþjónusta:

Krabbameinsfélagið óskar eftir öflugum sál[1]fræðingi í hóp metnaðarfullra sérfræðinga sem sinna ráðgjöf og stuðningi við fólk með krabbamein og aðstandendur þeirra. Unnið er í í þverfaglegu umhverfi þar sem áhersla er lögð á samvinnu og fagleg vinnubrögð. Starfshlutfall er samkomulagsatriði.

Helstu verkefni sálfræðings eru ráðgjöf, fræðsla og stuðningur við einstaklinga og fjölskyldur. Vinnan fer fram með einstaklingsviðtölum, í hópum og með námskeiðum. Ráðgjöf við starfsfólk skóla og annarra stofnana sem vegna krabbameinsgreiningar í nærumhverfi er hluti af starfinu.

Sálfræðingurinn skal hafa starfsleyfi og reynslu af einstaklingsviðtölum, hópastarfi og námskeiðshaldi. Þekking og reynsla á að vinna með einstaklingum með langvarandi veikindi og teymisvinnu er æskileg.

Í starfinu er gerð krafa um skipulagshæfni, sjálfstæð vinnubrögð, frumkvæði, þjónustulund, lausnamiðaða hugsun og góða samskiptafærni. Góð íslenskukunnátta er áskilin svo og þekking á ensku og Norðurlandamáli.

Umsóknir, ásamt náms- og starfsferilsskrám og afritum af prófskírteinum og starfsleyfum, skal senda Þorra Snæbjörnssyni, teymisstjóra, á netfangið thorri@krabb.is í síðasta lagi 27. september nk. Þorri veitir einnig nánari upplýsingar.


4ffd0c51-61b6-43d8-a18f-fa6d3ac565fb


Fleiri nýjar fréttir

1. mar. 2024 : Við erum að kalla þig út, kall!

Við fögnum framförum í greiningu og meðferð en best er auðvitað ef hægt er að koma í veg fyrir krabbamein. Vísindin vísa okkur leiðina og rannsóknir sýna að 30 til 40% krabbameina tengjast lífsstíl. Það þýðir að ýmsar lífsvenjur, t.d. tóbaksnotkun, áfengisneysla, hreyfingarleysi, mataræði og fleiri þættir geta haft áhrif á líkurnar á ákveðnum tegundum krabbameina.

Lesa meira

29. feb. 2024 : Köllum kalla þessa lands út!

Mottumars, árlegt árvekni- og fjáröflunarátak tileinkað krabbameinum hjá körlum hefst í dag. Kallaútkall er yfirskrift átaksins í ár þar sem lögð er áhersla á forvarnargildi hreyfingar. Regluleg hreyfing dregur úr hættunni á krabbameinum, en allt of margir karlmenn hreyfa sig ekki nóg til að njóta þessara verndandi áhrifa. Það þarf ekki nema örfáar mínútur af hreyfingu á dag til að ná fram jákvæðum áhrifum.

Lesa meira

28. feb. 2024 : Upp með sokkana og í Mottumarshlaupið 2024

Komdu með í fyrsta Mottumarshlaup Krabbameinsfélagsins sem haldið verður á hlaupársdeginum 29. febrúar. Við lofum stuði og stemmningu um leið og við hreyfum okkur til stuðnings góðum málstað!

Lesa meira

27. feb. 2024 : Sjöunda árið í röð fær forsetinn fyrsta parið

Forseta Íslands, hr. Guðna Th. Jóhannessyni hefur frá árinu 2018 verið afhent fyrsta parið af Mottumarssokkunum sem seldir eru til styrktar Krabbameinsfélaginu í Mottumars, árlegu árvekni- og fjáröflunarátaki sem tileinkað er krabbameinum hjá körlum. Forsetinn hefur sýnt verkefninu ómetanlegan stuðning í gegnum árin.

Lesa meira

27. feb. 2024 : Mottumarssokkarnir hannaðir af AS WE GROW

Það eru þær Gréta Hlöðversdóttir, Snæfríð Þorsteins og Kamilla Henriau sem eru hugmyndasmiðirnir og hönnuðirnir á bakvið sokkana sem eru einstaklega fallegir. 

Lesa meira

Var efnið hjálplegt?