Guðmundur Pálsson 14. des. 2018

Vegna Nóbels­verð­launa í lækna­vísindum: Er öll sagan sögð?

  • Ljósmynd: af vef CNBC 14.12.2018

Afar ánægjulegar fréttir bárust nýverið af því að Nóbelsverðlaunin í læknavísindum hefðu verið veitt James P. All­i­son og Tasuku Honjo vegna uppgötvana á gildi ónæmismeðferðar við krabbameinum. Sjálfir hafa þeir sagt að þeir telji að framfarir í meðferð krabbameina verði svo hraðar að árið 2030 verði krabbamein fyrst og fremst krónískir sjúkdómar.

Við vitum að framfarir hafa verið verulegar í greiningu og meðferð krabbameina en verði sýn þeirra Allison og Honjo að veruleika getum við í raun talað um byltingu í meðferð við krabbameinum og það afar jákvæða byltingu.

Þar með er hins vegar ekki öll sagan sögð. Krabbameinum mun fjölga í framtíðinni samhliða því að fólk lifir almennt lengur. Fleiri og fleiri munu því geta notið góðs af bættri meðferð, læknast eða lifað með krónískan sjúkdóm. Í því samhengi þarf hins vegar að huga að mörgu til að tryggja sem best lífsgæði fólks og þar má hvergi slaka á. Tryggja þarf leiðir til að hjálpa fólki að takast á við aukaverkanir sem geta fylgt meðferð og úrræði sem hafa að markmiði að tryggja sem best lífsgæði. Þar spilar aðgengi fólks að viðeigandi endurhæfingu á hverjum tíma mjög stórt hlutverk.

Við blasa miklar breytingar í framtíð sem er ekki langt undan. Við þurfum að vera reiðubúin til að takast á við þær breytingar og þar skipta áætlanir öllu máli. Brýnt er að koma upp íslenskri krabbameinsáætlun en Ísland er eitt af örfáum löndum í Evrópu án slíkrar áætlunar. Mikil vinna hefur verið unnin nú þegar og velferðarráðuneytið gaf meira að segja út tillögur að krabbameinsáætlun til ársins 2020 í fyrravor. Vinnunni hefur hins vegar ekki verið lokið og krabbameinsáætlun ekki samþykkt. 

Nú er mál að bretta upp ermar og láta verkin tala. 


Fleiri nýjar fréttir

1. mar. 2024 : Við erum að kalla þig út, kall!

Við fögnum framförum í greiningu og meðferð en best er auðvitað ef hægt er að koma í veg fyrir krabbamein. Vísindin vísa okkur leiðina og rannsóknir sýna að 30 til 40% krabbameina tengjast lífsstíl. Það þýðir að ýmsar lífsvenjur, t.d. tóbaksnotkun, áfengisneysla, hreyfingarleysi, mataræði og fleiri þættir geta haft áhrif á líkurnar á ákveðnum tegundum krabbameina.

Lesa meira

29. feb. 2024 : Köllum kalla þessa lands út!

Mottumars, árlegt árvekni- og fjáröflunarátak tileinkað krabbameinum hjá körlum hefst í dag. Kallaútkall er yfirskrift átaksins í ár þar sem lögð er áhersla á forvarnargildi hreyfingar. Regluleg hreyfing dregur úr hættunni á krabbameinum, en allt of margir karlmenn hreyfa sig ekki nóg til að njóta þessara verndandi áhrifa. Það þarf ekki nema örfáar mínútur af hreyfingu á dag til að ná fram jákvæðum áhrifum.

Lesa meira

28. feb. 2024 : Upp með sokkana og í Mottumarshlaupið 2024

Komdu með í fyrsta Mottumarshlaup Krabbameinsfélagsins sem haldið verður á hlaupársdeginum 29. febrúar. Við lofum stuði og stemmningu um leið og við hreyfum okkur til stuðnings góðum málstað!

Lesa meira

27. feb. 2024 : Sjöunda árið í röð fær forsetinn fyrsta parið

Forseta Íslands, hr. Guðna Th. Jóhannessyni hefur frá árinu 2018 verið afhent fyrsta parið af Mottumarssokkunum sem seldir eru til styrktar Krabbameinsfélaginu í Mottumars, árlegu árvekni- og fjáröflunarátaki sem tileinkað er krabbameinum hjá körlum. Forsetinn hefur sýnt verkefninu ómetanlegan stuðning í gegnum árin.

Lesa meira

27. feb. 2024 : Mottumarssokkarnir hannaðir af AS WE GROW

Það eru þær Gréta Hlöðversdóttir, Snæfríð Þorsteins og Kamilla Henriau sem eru hugmyndasmiðirnir og hönnuðirnir á bakvið sokkana sem eru einstaklega fallegir. 

Lesa meira

Var efnið hjálplegt?