Sigriður Sólan Guðlaugsdóttir 19. feb. 2019

Úrræði krabbameinssjúklinga vegna skorts á bílastæðum við LSH

  • Landspítalinn Hraingbraut. Skjáskot af vef spítalans.

Bílastæðamál við Landspítalann hafa verið nokkuð til umræðu að undanförnu og telur Krabbameinsfélagið rétt að benda fólki í krabbameinsmeðferð á réttindi sín til endurgreiðslu ferðakostnaðar.

Einstaklingar sem sækja meðferð vegna krabbameina geta átt rétt á endurgreiðslu frá Sjúkratryggingum vegna ferðakostnaðar með leigubíl. Sjúkratryggingar greiða ¾ hluta kostnaðarins gegn framvísun kvittana hafi umsókn læknis um endurgreiðslu verið samþykkt. Samþykktin byggist á að um sé að ræða ítrekaðar ferðir vegna meðferðar.

Ráðgjafarþjónusta Krabbameinsfélagsins veitir upplýsingar um endurgreiðslu ferðakostnaðar og á bls. 7 í samantekt félagsráðgjafa Ráðgjafarþjónustunnar er að finna nánari upplýsingar. Símanúmer Ráðgjafarþjónustunnar er 800 4040 en einnig er hægt að senda fyrirspurn í tölvupósti á radgjof@krabb.is.

LSH fjölgar bílastæðum

Skortur á bílastæðum er einnig áhyggjuefni á Landspítalanum. Krabbameinsfélagið fékk þær upplýsingar frá spítalanum að á næstunni yrði bætt við um 100 bílastæðum sem ætluð eru sjúklingum og aðstandendum þeirra. Þau stæði verða gjaldskyld enda er það sú leið sem spítalinn hefur til að koma í veg fyrir að aðrir (til dæmis ferðamenn á leið í miðbæinn) nýti stæðin. Á vordögum munu bætast við önnur 100 stæði.

„Fjölgun bílastæða, sem eru ætluð sjúklingum og aðstandendum er skref í rétta átt. Að stæðin séu gjaldskyld fyrir fólk sem ítrekað þarf að sækja meðferð á sjúkrahúsið er hins vegar mál sem félagið mun áfram reyna að beita sér fyrir að fá breytt,“ segir Halla Þorvaldsdóttir, framkvæmdastjóri Krabbameinsfélagsins.


Fleiri nýjar fréttir

16. feb. 2024 : Veruleg ánægja með námskeiðið og hefur fólk ekki látið misgott veður stöðva sig

Göngurnar eru leiddar af leiðsögumönnum frá Ferðafélaginu sem jafnframt fræða um ýmislegt áhugavert sem tengist þeim slóðum sem gengið er um. Rúmlega fjörutíu þátttakendur á námskeiðinu sem mun standa alveg fram í júní.

Lesa meira
2023-j

12. feb. 2024 : Kastað til bata: Konum boðið til veiðiferðar

Opnað hefur verið fyrir umsóknir í verkefnið „Kastað til bata“ sem er endurhæfingarverkefni á vegum Brjóstaheilla - Samhjálpar kvenna, Krabbameinsfélagsins og styrktaraðila, þar sem konum er boðið til veiðiferðar.

Lesa meira

10. feb. 2024 : Fulltrúar Krabbameinsfélagsins á faraldsfæti

Um þessar mundir stendur Krabbameinsfélagið fyrir átaksverkefni sem miðar að því að fjölga í þeim góða hópi Velunnara sem styðja þétt við bakið á félaginu með mánaðarlegum framlögum. Við erum á ferðinni í Hafnarfirði og Mosfellsbæ.

Lesa meira

9. feb. 2024 : Endurskoðaðar ráðleggingar embættis landlæknis um hreyfingu

Embætti landlæknis kynnti endurskoðaðar ráðleggingar um hreyfingu ásamt því að setja lífshlaupið 2024 af stað í samstarfi við Íþrótta- og ólympíusambandi Íslands.

Lesa meira

7. feb. 2024 : Styrkir til Krabbameinsrannsókna

Vísindasjóður Krabbameinsfélagsins óskar eftir umsóknum um styrki úr sjóðnum. Umsóknarfrestur rennur út á miðnætti 4. mars. Markmið sjóðsins er að efla rannsóknir á orsökum krabbameina, forvörnum, meðferð og lífsgæðum sjúklinga. 45 rannsóknarverkefni af fjölbreyttum toga hafa fengið styrki úr sjóðnum frá árinu 2017.

Lesa meira

Var efnið hjálplegt?