Ása Sigríður Þórisdóttir 15. jún. 2023

Samfélagsviðurkenning veitt í annað sinn

  • Valdimar Högni Róbertsson hlaðvarpsstjóri og Karitas Mörtudóttir Bjarkadóttir, ritstjóri Krakkarúv.

Samfélagsviðurkenning Krabbameinsfélagsins var veitt í annað sinn á aðalfundi félagsins í maí síðastliðnum. Viðurkenninguna hlutu Valdimar Högni Róbertsson og RÚV fyrir einstakt framlag sitt til fræðslu um krabbamein.

Samfélagsviðurkenning Krabbameinsfélagsins er veitt aðilum sem félaginu þykir hafa lagt málstaðnum lið með eftirtektarverðum hætti. Krabbameinsfélagið þakkar Valdimar Högna og RÚV innilega fyrir frábært framtak.

Einstakt verkefni

Um tilnefningu Valdimars Högna segir: Verkefnið er örugglega einstakt, ekki bara hér á landi heldur á heimsvísu og mjög upplýsandi, bæði fyrir börn og fullorðna.

Þegar Valdimar Högni stóð 8 ára gamall frammi fyrir þeirri áskorun að eiga skyndilega pabba með krabbamein vöknuðu ýmsar spurningar. Hann brá á það ráð að afla sér svara með því að gera útvarpsþátt fyrir börn sem eiga foreldri með krabbamein. Þannig lærði hann og gat miðlað um leið þeirri þekkingu sem hann viðaði að sér um sjúkdóminn og afleiðingar hans, til annarra í sömu sporum, öllum til góðs.

IMG_0551

Úr varð sex þátta serían „Að eiga mömmu eða pabba með krabba" í umsjón Valdimars Högna, þar sem ýmsir sérfræðingar miðla þekkingu sinni til ungra aðstandenda fólks með krabbamein.

Þættirnir vöktu verðskuldaða athygli og fékk Valdimar hrós hvaðana af og fólk setti sig í samband við foreldra hans og til að hrósa honum fyrir framtakið. 

Við tókum Valdimar Högna tali af þessu tilefni og spurðum hann út í þættina og hvað honum fyndist um að hafa fengið þessa viðurkenningu.

https://www.youtube.com/watch?v=9oXKtv9tNZA

Um tilnefningu RÚV segir: Það þarf kjark til að treysta 8 ára strák til að fjalla um svona viðkvæmt efni. Þann kjark hafði RÚV og sinnti þar með heldur betur sinni samfélagslegu skyldu.

Það var Karitas Mörtudóttir Bjarkadóttir, ritstjóri Krakkarúv sem tók við viðurkenningunni fyrir hönd Rúv.

Krabbameinsfélagið þakkar Valdimar Högna og RÚV innilega fyrir frábært framtak, sem vonandi fær að vera þannig aðgengilegt að það nýtist sem allra mest og best.

IMG_0581



Fleiri nýjar fréttir

16. apr. 2024 : Krabba­meins­skráning á Íslandi í 70 ár - Afmælis­málþing

Í tilefni af 70 ára afmæli krabbameinsskráningar á Íslandi býður Krabbameinsfélagið til afmælismálþings.

Lesa meira

16. apr. 2024 : Með þínum stuðningi getum við gert svo ótal margt!

Krabbameinsfélagið þakkar öllum þeim fjölmörgu sem lögðu félaginu lið í Mottumars, árverkni- og fjáröflunarátaki félagsins, í ár. Við erum hrærð yfir þeirri velvild, samkennd og hlýju sem við fundum svo vel fyrir. Öll starfsemi félagsins er rekin fyrir sjálfsaflafé og því er stuðningur almennings og fyrirtækja forsenda fyrir starfinu.

Lesa meira

12. apr. 2024 : Saga Ómars Einarssonar

Ómar fékk krabbamein í háls, árið 2008, á sama tíma og Geir H. Haarde blessaði Ísland. Hann var geislaður í upphafi og síðar skorinn. Í framhaldinu var honum bent á að hitta Ragnar Davíðsson, formann félagsins Ný rödd, sem er eitt af aðildarfélögum Krabbameinsfélagsins. Ragnar hafi hjálpað sér og öðrum mikið.

Lesa meira

8. apr. 2024 : Frábær þátttaka í Skegg­keppni Mottu­mars 2024

Þátttakendur í Skeggkeppni Krabbameinsfélagsins þetta árið voru 360 talsins og alls söfnuðust rétt rúmlega 7,3 milljónir króna. Krabbameinsfélagið þakkar öllum þeim sem tóku þátt og öllum sem styrktu.

Lesa meira

25. mar. 2024 : Saga Sigurgeirs Líndal Ingólfssonar

Sigurgeir segir að fræðslan og kynningin í kringum Mottumars sé þýðingarmikil og hafi ýtt við honum þegar einkenni gerðu vart við sig og gert það að verkum að hann fór til læknis. Einkennin voru ekki ólík þvagfærasýkingu en það var einmitt svarið sem hann fékk fyrst þegar hann leitaði sér hjálpar.

Lesa meira

Var efnið hjálplegt?