Ása Sigríður Þórisdóttir 17. des. 2021

Sala á Sparislaufunni slær öll met

Hlín Reykdal skartgripahönnuður styrkti Bleiku slaufuna um 3,6 milljónir króna. Hlín segir það heiður að hafa fengið að hanna Bleiku slaufuna og þótti henni einstaklega vænt um að fá að leggja sitt af mörkum fyrir þá sem greinast með krabbamein og fjölskyldur þeirra.

Hlín Reykdal hannaði Bleiku slaufuna í ár og er óhætt að segja að nokkur eftirvænting hafi ríkt eftir slaufunni. Sala á slaufunni gekk afar vel og seldust um 32.500 slaufur og 380 sparislaufur, en það eru viðhafnarslaufur sem seldar eru í takmörkuðu upplagi. Salan á sparislaufunni sló reyndar öll met í ár. Hlín gaf alla sína vinnu við hönnun og framleiðslu á slaufunni. Hún afhenti Krabbameinsfélaginu um 3,6 milljónir króna sem söfnuðust með sölu á Sparislaufunni 2021.

„Það var mér sannur heiður að hanna Bleiku slaufuna í ár og þótti mér einstaklega vænt um að fá að leggja mitt af mörkum fyrir þá sem greinast með krabbamein og fjölskyldur þeirra. Ég vil fá að þakka öllum hjá Krabbameinsfélaginu og öllu því frábæra fólki sem kom að herferðinni og gerði þetta að ógleymanlegri upplifun. Sérstakar þakkir fá þær Dóra Dúna ljósmyndari, Ellen Lofts stílisti og þær 19 mögnuðu konur sem sátu fyrir í myndatökunni með Bleiku slaufuna.” segir Hlín Reykdal.

Krabbameinsfélagið þakkar Hlín innilega fyrir samstarfið og stuðninginn. „Samstarfið var einstaklega ánægjulegt og mikill fengur í því að fá hennar sýn á Bleiku slaufuna. Innilegar þakkir fyrir allan stuðninginn og samstarfið, kæra Hlín” sagði Kolbrún S. Ásgeirsdóttir, fjáröflunar- og markaðsstjóri Krabbameinsfélagsins.

Fjölmargir leggja árlega hönd á plóg í Bleiku slaufunni. Framlag Láru Guðrúnar Jóhönnudóttur sem sagði sína sögu í ár var algerlega ómetanlegt. Með sögu sinni sýndi Lára á einstakan hátt hvernig áþekkar sögur geta haft ólíkan endi.  

Allur ágóði Bleiku slaufunnar 2021 rennur til fjölbreyttar starfsemi Krabbameinsfélagins. Fyrir ágóðann getur félagið meðal annars verið til staðar fyrir þá sem greinast með krabbamein og aðstandendur með ráðgjöf og stuðningi, sinnt öflugu fræðslu- og forvarnarstarfi og fjölbreyttu vísindastarfi. „Við erum afar þakklát fyrir þá miklu velvild og stuðning sem almenningur og fyrirtæki sýna félaginu í Bleiku slaufunni. Staðreyndin er að starfsemi félagsins er öll rekin fyrir söfnunarfé, svo þátttaka fólks í Bleiku slaufunni skiptir félagið gríðarlegu máli.“ segir Halla Þorvaldsdóttir framkvæmdastjóri félagsins.

Bleika slaufan var til sölu í um 300 verslunum um land allt en Sparislaufan var seld hjá Krabbameinsfélaginu, hlinreykdal.com, Kiosk Granda, MEBA og í Stefánsbúð p/3.

 


Fleiri nýjar fréttir

17. maí 2022 : 70 ár fyrir 70 andlit - Bjarni Bjarnason

Bjarni Bjarnason læknir var formaður Krabbameinsfélags Íslands frá 1966 til 1973 en hafði áður verið varaformaður þess síðan 1960. Hann var í stjórn Krabbameinsfélags Reykjavíkur frá 1951 og formaður frá 1960 til 1965. 

Lesa meira

16. maí 2022 : 70 andlit fyrir 70 ár - Guðbjartur Hannesson

Alþjóðlegi krabbameinsdagurinn 4. febrúar 2011 var merkisdagur. Þá tilkynnti Guðbjartur Hannesson, velferðarráðherra á árunum 2011 til 2013, að hann hygðist láta vinna krabbameinsáætlun fyrir Ísland. Ákvörðunina tengdi hann 60 ára afmæli Krabbameinsfélagsins.

Lesa meira

12. maí 2022 : Bjóðum Hörpu velkomna

Við erum stolt af því að bjóða nýjan starfsmann, Hörpu Ásdísi félagsráðgjafa, til starfa í ráðgjafarteymi Krabbameinsfélagsins. Harpa vann hjá Félagsþjónustu Reykjavíkur í 9 ár, áður en hún færði sig yfir á Reykjalund þar sem hún starfaði síðastliðin 22 ár.

Lesa meira

11. maí 2022 : Málþing: Krabba­meins­áætlun - á áætlun?

Málþing Krabbameinsfélags Íslands, laugardaginn 21. maí kl. 10 – 12 í Skógarhlíð 8, Reykjavík. Erindi á málþinginu flytja fulltrúar Krabba­meins­félagsins, Landspítala, heilbrigðis­ráðu­neytisins auk landlæknis.

Lesa meira

11. maí 2022 : 70 andlit í 70 ár - Lára Vigfúsdóttir

Fólk sem vill láta gott af sér leiða eftir sinn dag arfleiðir Krabbameinsfélagið reglulega að eigum sínum eða hluta þeirra. Lára Vigfúsdóttir, innanhússarkitekt frá Vestmannaeyjum er ein þeirra. Hennar erfðagjöf gerði Krabbameinsfélaginu mögulegt að bjóða fyrstu árgöngum sem boðið var í skimun fyrir legháls- og brjóstakrabbameinum á árinu 2020 ókeypis skimun. 

Lesa meira

Var efnið hjálplegt?