Sigrún Elva Einarsdóttir 3. feb. 2019

#1 - Þekkjum ein­kennin: Þrá­látur hósti / hæsi eða lang­varandi kyng­ingar­erfið­leikar.

  • Eger-banner-blar

Vissir þú að því fyrr sem krabbamein greinist, því líklegra er að meðferð beri árangur?

Þrálátur hósti/hæsi eða langvarandi kyngingarerfiðleikar.

Þessi einkenni geta stafað af ýmsu öðru en krabbameini en mikilvægt er að fá úr því skorið hjá lækni.

Eger-banner-blar

Halla-portrait-landscape-250px_1549240178621Þekkjum einkenni krabbameina

Þrátt fyrir stórbætta vísindalega þekkingu á krabbameinum og skilning sem skilað hefur miklum framförum í greiningu og meðferð fjölgar þeim enn sem fá krabbamein. Það stafar fyrst og fremst af hækkuðum aldri þjóðarinnar. Fleiri og fleiri læknast þó af krabbameini eða lifa með það sem langvinnan sjúkdóm.

Einn af hverjum þremur fær krabbamein einhvern tímann á lífsleiðinni en rannsóknir sýna að draga má úr líkunum með heilsusamlegum lífsháttum. Þeir sem nota ekki tóbak, fylgja ráðleggingum um heilsusamlega fæðu, stunda reglulega líkamshreyfingu, takmarka neyslu áfengra drykkja og fylgja ráðleggingum um sólarvarnir eru í minni hættu á að fá krabbamein. Þannig er talið að hægt sé að koma veg fyrir meira en þriðjung allra krabbameinstilfella.

Alþjóðlegi krabbameinsdagurinn er í dag, 4. febrúar. Tilgangur dagsins er að vekja athygli á þeim vanda sem fylgir krabbameinum og hvetja til umbóta og eflingar á sviði forvarna, greiningar og meðferðar gegn krabbameinum.

Krabbameinsfélög út um allan heim hafa sameinast í þriggja ára herferð sem gengur út á að fækka krabbameinstilvikum. Markmiðið er að uppfræða og vekja athygli á því að hver og einn einstaklingur getur haft áhrif, bæði fyrir sig og þá sem standa honum nærri en einnig út á við í samfélaginu.

Miklu máli skiptir að greina krabbamein sem fyrst. Oftast er því þannig farið að því fyrr sem hægt er að hefja meðferð því meiri árangur ber hún. Því skiptir miklu máli að fólk þekki þau einkenni sem geta verið vísbending um krabbamein og bregðist fljótt við þeim. Fólk ætti að temja sér að vera vakandi fyrir líkama sínum til að taka eftir breytingum. Sérstaklega ætti að veita athygli breytingum eða einkennum sem eru langvarandi og ef ekki er ljóst hver orsökin er.

Meðal helstu einkenna sem fólk ætti að vera vakandi fyrir eru sár sem ekki gróa, þykkildi og hnútar víða í líkamanum, óútskýrt þyngdartap, breytingar á hægðum eða þvaglátum, óvenjulegar blæðingar, þrálátur hósti, hæsi eða kyngingarörðugleikar. Einnig ætti að bregðast við breytingum á fæðingarblettum, óvenjulegri þreytu sem ekki minnkar við hvíld og viðvarandi verkjum sem eiga sér óljósar orsakir.

Öll einkennin geta stafað af öðru en krabbameini en mikilvægt er að fá úr því skorið hjá lækni.

Slagorð alþjóðlegu herferðarinnar er: „Ég er... og ég ætla...“ þar sem hverjum fyrir sig gefst færi á að lýsa sinni leið til að vinna gegn krabbameinum.

Ég er framkvæmdastjóri Krabbameinsfélags Íslands og ég ætla að tala fyrir auknum forvörnum gegn krabbameinum hvar og hvenær sem færi gefst.

Vertu með!

Halla Þorvaldsdóttir

 


Fleiri nýjar fréttir

17. maí 2019 : Öflug vinnu­stofa um endur­hæfingu krabba­meins­greindra

Fimmtudaginn 16. maí fór fram vinnustofa um endurhæfingu þeirra sem greinst hafa með krabbamein. Vinnustofan var samstarfsverkefni endurhæfingarteymis Landspítala, Heilsustofnunar í Hveragerði, Krabbameinsfélags Íslands, Krafts, Ljóssins og Reykjalundar.

Lesa meira

16. maí 2019 : Opið hús Brakka­sam­tak­anna sunnu­daginn 19. maí

Brakkasamtökin standa fyrir opnu húsi þann 19. maí næstkomandi. Þar munu samtökin opna nýja heimasíðu fyrir arfbera og fjölskyldur þeirra og stuðla að umræðum um stöðu mála varðandi BRCA og arfgeng krabbamein á Íslandi. 

Lesa meira

15. maí 2019 : Dagur krabba­meins­hjúkrunar­fræð­inga

Þann 18.maí halda samtök evrópskra krabbameinshjúkrunarfræðinga (EONS) upp á dag krabbameinshjúkrunarfræðinga í Evrópu. 

Lesa meira

14. maí 2019 : Mistök í póstsendingu skýra dræma þátttöku í skimun

Eftir frétt sem birt var í gær um dræma þátttöku kvenna í brjóstamyndatöku í Vestmannaeyjum kom í ljós að mistök áttu sér stað í póstsendingu boðsbréfa. 

Lesa meira

13. maí 2019 : NCU auglýsir styrki til rannsókna

Norrænu krabbameinssamtökin kalla eftir umsóknum um stefnumótandi verkefni tengd tóbaki og félagslegu ójafnrétti.

Lesa meira

Var efnið hjálplegt?