Með þér, kæri Velunnari þá er svo margt sem okkur tekst að vinna
Um þessar mundir fögnum við því að Velunnurum félagsins fjölgar dag frá degi og hafa þeir aldrei verið fleiri. Mánaðarlegur stuðningur þeirra 19.000 einstaklinga og fyrirtækja sem eru Velunnarar er einfaldlega forsenda góðra verka Krabbameinsfélagsins. Án Velunnara væri starfsemin harla fátækleg því þeir bera uppi starfsemi félagsins allt árið um kring, um allt land.
Við fengum Velunnarana Val Frey Einarsson og Jóhönnu Vigdísi Arnardóttur í lið með okkur og flytja þau hið vinsæla lag bræðranna Jóns Múla og Jónasar “Án þín – með þér” með nýjum texta Velunnurum til heiðurs. Vísindastarf og rannsóknir, ráðgjöf og stuðningur, fræðsla og forvarnir. Allt byggir þetta að mestu á stuðningi Velunnara. Þess vegna segjum við: „Takk, kæri Velunnari. Með þér getum við gert svo ótalmargt.”
https://www.youtube.com/watch?v=nmazJfCcvnE
Án þín, við næðum varla framförum í neinu
algjörlega á hreinu
Án þín, öll þjónusta og þekking fyrir bí, sorrí
Og tækifærin fá, til fræðslu kannski smá
og rannsóknirnar frá, án þín
Með þér, þá er svo margt sem okkur tekst að vinna
aðstandendum sinna,
með þér, við stuðning getum fólki veitt í neyð, um leið
Að flytja fjöll er hægt, þitt framlag mikilvægt
við verðum áfram hér, með þér
- Jafnframt skorum við á alla sem geta og vilja að gerast Velunnarar strax í dag því allt starf félagsins byggir á söfnunarfé. Ég vil gerast Velunnari.