Krabbameinsfélagið tekur þátt í verkefni um nýsköpun í heilsueflingu
Í dag kynnir Birna Þórisdóttir sérfræðingur og nýdoktor við Háskóla Íslands og fyrrum sérfræðingur hjá Krabbameinsfélaginu niðurstöður verkefnisins Er það bara ég eða stekkur súkkulaðið sjálft ofan í innkaupakerruna?
Í dag kynnir Birna Þórisdóttir sérfræðingur og nýdoktor við Háskóla Íslands og fyrrum sérfræðingur hjá Krabbameinsfélaginu niðurstöður verkefnisins Er það bara ég eða stekkur súkkulaðið sjálft ofan í innkaupakerruna?
Verkefnið var unnið í sumar í samstarfi Krabbameinsfélagsins og Háskóla Íslands og styrkt af Nýsköpunarsjóði námsmanna. Markmiðið var að þróa og prófa aðferð til að meta fæðuumhverfi í matvöruverslunum hérlendis. Niðurstöður benda til þess að um tvöfalt meira af óheilsusamlegum en heilsusamlegum mat sé að finna í verslunum og óheilsusamlegur matur sé frekar staðsettur á bestu stöðunum í verslun. Rannsóknir sýna að þetta getur ýtt undir kaup á óheilsusamlegum matvörum. Verslanirnar sem tóku þátt voru hvattar til að ráðast í breytingar til að fæðuumhverfið styðji frekar við innkaup á heilsusamlegum mat, svo sem grænmeti og ávöxtum, sem rannsóknir sýna að dregur úr líkum á krabbameinum auk þess að bæta alhliða heilsu og líðan.
- Kynningin verður nú síðdegis á ráðstefnu um nýsköpun í heilbrigðisvísindum og verður streymt frá henni.
- Verkefnið var einnig til umfjöllunar í Samfélaginu á Rás 1 fyrir viku.