Krabbamein í blöðruhálskirtli: Kynning á nýrri rannsókn
Hafsteinn Örn Guðjónsson kynnti lokaverkefni sitt til B.S.-gráðu við Læknadeild Háskóla Íslands í Krabbameinsfélaginu. Hann skrifaði um greiningu og meðferð við krabbameini í blöðruhálskirtli þar sem hann bar saman gæðavísa á Íslandi og Svíþjóð.
Rannsókna- og skráningasetur
Krabbameinsfélagsins bauð til fyrirlestrar í dag en þar kynnti Hafsteinn Örn
Guðjónsson, 3ja árs læknanemi, ritgerð sína „Greining, meðferð og uppvinnsla
við krabbameini í blöðruhálskirtli á Íslandi 2017-2020, samanburður gæðavísa
við Svíþjóð. Ritgerðina skrifar Hafsteinn til B.S. gráðu við Læknadeild Háskóla
Íslands og birtist hún í maí sl.
Árlega greinast um 200 karlmenn með blöðruhálskirtilskrabbamein á Íslandi en krabbamein í blöðruhálskirtli er algengasta krabbamein meðal karla á Íslandi og hefur næst-hæstu dánartíðni á eftir lungnakrabbameini. Þessi rannsókn er að fyrirmynd frá Svíþjóð og notast við valda gæðavísa unna úr stórum gagnagrunni NPCR. Hér á landi hefur þennan grunn vantað en með skráningu gæðavísa opnast möguleiki á frekari rannsóknum á faraldsfræði blöðruhálskirtilskrabbameins en einnig tækifæri til að bera gæðavísa á Ísland saman við sambærilega gæðavísa í nágrannalöndum sínum.
Verkefni Hafsteins byggist á gæðaskráningu krabbameina og fyrir þau sem hafa áhuga á að skoða nákvæmar upplýsingar um blöðruhálskirtilskrabbamein á heimasíðunni okkar má finna þér HÉR.
Hrefna Stefánsdóttir, hjá rannsókna- og skráningarsetri Krabbameinsfélagsins útskýrir gæðaskráningargagnagrunninn.
