Guðmundur Pálsson 12. mar. 2020

Karlahlaupi Krabba­meins­félags­ins frestað um óákveðinn tíma

Í ljósi þeirrar óvissu sem uppi er vegna covid-19 telur Krabbameinsfélagið nauðsynlegt að fresta um óákveðinn tíma Karlahlaupi félagsins, sem upphaflega stóð til að halda þann 29. febrúar sl. 

„Markmiðið með Karlahlaupinu er að halda viðburð sem allir karlmenn geta tekið þátt í, á hvaða aldri sem þeir eru, strákar jafnt sem afar og langafar og jafnt þeir sem nú eru í áhættuhópum og þeir sem eru fílhraustir“ segir Halla Þorvaldsdóttir, framkvæmdastjóri Krabbameinsfélagsins.

„Að halda hlaupið á þeim óvissutímum sem nú er í samfélaginu myndi útiloka ákveðna hópa. Við erum ekki af baki dottin og munum tilkynna um nýja dagsetningu fyrir hlaupið þegar færi gefst. Þangað til hvetjum við alla til að hreyfa sig í takt við Mottumarslagið sem finna má á mottumars.is segir Halla.

Krabbameinsfélagið mun hafa samband við alla þá sem þegar höfðu skráð sig til þátttöku í hlaupinu.


Fleiri nýjar fréttir

1. mar. 2024 : Við erum að kalla þig út, kall!

Við fögnum framförum í greiningu og meðferð en best er auðvitað ef hægt er að koma í veg fyrir krabbamein. Vísindin vísa okkur leiðina og rannsóknir sýna að 30 til 40% krabbameina tengjast lífsstíl. Það þýðir að ýmsar lífsvenjur, t.d. tóbaksnotkun, áfengisneysla, hreyfingarleysi, mataræði og fleiri þættir geta haft áhrif á líkurnar á ákveðnum tegundum krabbameina.

Lesa meira

29. feb. 2024 : Köllum kalla þessa lands út!

Mottumars, árlegt árvekni- og fjáröflunarátak tileinkað krabbameinum hjá körlum hefst í dag. Kallaútkall er yfirskrift átaksins í ár þar sem lögð er áhersla á forvarnargildi hreyfingar. Regluleg hreyfing dregur úr hættunni á krabbameinum, en allt of margir karlmenn hreyfa sig ekki nóg til að njóta þessara verndandi áhrifa. Það þarf ekki nema örfáar mínútur af hreyfingu á dag til að ná fram jákvæðum áhrifum.

Lesa meira

28. feb. 2024 : Upp með sokkana og í Mottumarshlaupið 2024

Komdu með í fyrsta Mottumarshlaup Krabbameinsfélagsins sem haldið verður á hlaupársdeginum 29. febrúar. Við lofum stuði og stemmningu um leið og við hreyfum okkur til stuðnings góðum málstað!

Lesa meira

27. feb. 2024 : Sjöunda árið í röð fær forsetinn fyrsta parið

Forseta Íslands, hr. Guðna Th. Jóhannessyni hefur frá árinu 2018 verið afhent fyrsta parið af Mottumarssokkunum sem seldir eru til styrktar Krabbameinsfélaginu í Mottumars, árlegu árvekni- og fjáröflunarátaki sem tileinkað er krabbameinum hjá körlum. Forsetinn hefur sýnt verkefninu ómetanlegan stuðning í gegnum árin.

Lesa meira

27. feb. 2024 : Mottumarssokkarnir hannaðir af AS WE GROW

Það eru þær Gréta Hlöðversdóttir, Snæfríð Þorsteins og Kamilla Henriau sem eru hugmyndasmiðirnir og hönnuðirnir á bakvið sokkana sem eru einstaklega fallegir. 

Lesa meira

Var efnið hjálplegt?