Hreyfing dregur úr líkum á krabbameinum
Krabbameinsfélagið er afar þakklátt öllum þeim sem ætla að hlaupa í Góðgerðarhlaupi Íslandsbanka og safna áheitum fyrir félagið og aðildarfélög þess.
Þó að ekki sé hægt að halda Reykjavíkurmaraþon Íslandsbanka í ár er samt hægt að láta gott af sér leiða með því að reima á sig hlaupaskóna og hlaupa til góðs í Góðgerðarhlaupinu.
Krabbameinsfélagið er eitt þeirra góðgerðarfélaga sem hægt er að styðja. Á undanförnum árum hafa fjölmargir hlaupið til stuðnings félaginu sem er ómetanlegt og við erum afar þakklát fyrir þann stuðning.
Rannsóknir sýna með afgerandi hætti að hreyfing dregur úr líkum á krabbameinum. Einnig vegnar þeim betur eftir greiningu krabbameins sem hreyfa sig fyrir og/eða eftir greiningu.
Krabbameinsfélagið mælir því eindregið með að allir reimi á sig skóna og taki þátt í góðgerðarhlaupinu.
Ef þú hleypur fyrir Krabbameinsfélagið þá skráir þú þig hér til leiks , velur vegalengd og byrjar að safna áheitum.
- Hlaupaátakið stendur yfir frá 15.- 25. ágúst 2020 en áheitasöfnuninni lýkur miðvikudaginn 26. ágúst 2020.