HPV-mælingar á Íslandi: Styttri biðtími og aukin hagræðing
-
Þorbjörg Jónsdóttir, deildarstjóri frumurannsóknastofu með fyrstu sendinguna. Með henni eru lífeindafræðingarnir Auður Eiríksdóttir, Hafdís Hafsteinsdóttir, Guðný Ása Þorsteinsdóttir, og Herdís J. Guðjónsdóttir.
Sýni eru ekki lengur send á Karolinska sjúkrahúsið í Stokkhólmi til greiningar heldur til sýkladeildar LSH þar sem nýjum tækjabúnaði hefur verið komið fyrir.
Frumurannsóknastofa Krabbameinsfélagins hóf mælingar á Human Papiloma Virus, HPV sem talinn er meginorsök leghálskrabbameins, í byrjun árs 2015 og hafa sýnin verið send á Karolinska sjúkrahúsið í Stokkhólmi til greiningar.
Sýkladeild Landsspítalans í Ármúla hefur nú sett upp tækjabúnað til þessarar greiningar og hefur Krabbameinsfélagið náð samningum við LSH um samstarf sem hófst formlega í dag með fyrstu sendingunni.
Héðan í frá verða sýni send og niðurstöður fengnar vikulega. Biðtími eftir svörum mun því styttast verulega og hagræðing aukast.
