Sigriður Sólan Guðlaugsdóttir 23. okt. 2018

Hönnunarsamkeppni um Mottumarssokka

  • Honnunarsamkeppni-kynning

Krabbameinsfélag Íslands hefur hafið samstarf við Hönnunar- og arkítektadeild Listháskóla Íslands um hönnunarsamkeppni á sokkum fyrir Mottumars 2019.

Halla Þorvaldsdóttir, framkvæmdastjóri Krabbameinsfélagsins, og Eva María Árnadóttir, verkefnastjóri í Hönnunar- og arkítektadeild LHÍ, skrifuðu á dögunum undir samkomulag þess efnis. Nemendur í deild skólans geta sent inn tillögur fyrir 5. nóvember 2018 kl. 15:00 og tekið þátt í samkeppninni. Dómnefnd velur síðan úr innsendum tillögum og tilkynnt verður um sigurvegara 12. nóvember á heimasíðum LHÍ og KÍ. 

  • Rétt til þátttöku hafa allir nemendur við Hönnunar- og arkítektúrdeild Listaháskólans.
  • Hönnunin takmarkast við mynstur/mynd fyrir sokka. Hámarksfjöldi lita er 5 og skal útlit sokkanna hafa tengingu við rakarastofur (barbershop).
  • Ekki er takmark á fjölda tillagna frá hverjum þátttakanda.
  • Tillögur skulu berast nafnlausar en merktar með einkunnarorði eða númeri og þeim skal fylgja seðill með nafni og tölvupóstfangi þátttakanda í lokuðu umslagi. Umslagið skal merkt sama einkunnarorði eða númeri og tillögurnar. Jafnframt skulu tillögur vera merktar: Samkeppni Krabbameinsfélagsins og Listaháskóla Íslands.
  • Tekið er við tillögum frá 15. október til 5. nóvember kl 15:00 á skrifstofu LHÍ, Þverholti 11, 5. hæð.
  • Samningi um hugverkarétt skal fylgt.

Hönnuðum allra innsendra tillagna verður tilkynnt í tölvupósti þegar sigurvegarinn hefur verið valinn og þeim þakkað fyrir þátttökuna.

Sigurvegari verður kynntur í fréttum í tengslum við Mottumars og verður nafngreindur á umbúðum sokkanna. Ekki er veitt peningaþóknun fyrir verðlaunatillöguna.

Verk sem ekki hljóta verðlaun verður hægt að nálgast aftur á skrifstofu skólans eftir 15. nóvember 2018.

Honnunarsamkeppni-kynning

Halla Þorvaldsdóttir kynnti samkeppnina og Mottumarsátakið fyrir nemendum deildarinnar í síðustu viku.


Fleiri nýjar fréttir

18. des. 2019 : Jóladagatal Krabbameinsfélagsins: Svefn og krabbamein

Gera má ráð fyrir að lítill svefnfriður hafi verið á heimilum landsmanna í nótt þegar Hurðaskellir kom til byggða. Um fjórðungur fullorðinna Íslendinga og 75% ungmenna sofa of lítið. En eru einhver tengsl milli svefnleysis og krabbameins? Í jóladagatali Krabbameinsfélagsins eru venjur íslensku jólasveinanna skoðaðar með nýstárlegum hætti.

Lesa meira

10. des. 2019 : Starfsemi yfir jólin

Hefðbundin starfsemi verður yfir jólahátíðina hjá Leitarstöð Krabbameinsfélagsins, Ráðgjafarþjónustu og á skrifstofum félagsins.

Lesa meira
Óveður

10. des. 2019 : Starfsemi riðlast vegna veðurs

Leitarstöð Krabbameinsfélagsins lokar í dag kl 14:15 vegna veðurs og starfsemi Ráðgjafarþjónustunnar fellur niður eftir hádegi.

Lesa meira

5. des. 2019 : Hvernig nennirðu þessu?

Í dag er alþjóðadagur sjálfboðaliða og Árni Einarsson formaður Krabbameinsfélags höfuðborgarsvæðisins skrifar:

Lesa meira

4. des. 2019 : Stuðningur við fagaðila sem vinna með börn eftir foreldramissi

Krabbameinsfélagið undirbýr nú opnun fræðslu- stuðnings- og handleiðslumiðstöðvar sem ætluð er fagaðilum sem vinna í nærumhverfi barna sem misst hafa foreldri. Samkvæmt gögnum frá Hagstofu Íslands má gera ráð fyrir að um 100 börn missi foreldri ár hvert.

Lesa meira

Var efnið hjálplegt?