Fræðslumynd í tilefni stórafmælis
Í tilefni af 40 ára afmæli Stómasamtaka Íslands er nú komin út vönduð fræðslumynd. Samtökin eru hagsmunasamtök stómaþega á Íslandi sem leggja áherslu á aukin lífsgæði stómaþega með fræðslu, stuðningi og hvatningu.
ENNEMM auglýsingastofa sá um alla vinnslu og framleiðslu myndarinnar en þar koma fram nokkrir félagsmenn og lýsa reynslu sinni.
Stómasamtök Íslands voru stofnuð 16. október árið 1980. Þau hafa ávallt verið undir verndarvæng Krabbameinsfélags Íslands og eru eitt af elstu stuðningsfélögum þess.