Endurskoðun sýna gengur vel
Endurskoðun 6.000 sýna sem rannsökuð verða vegna alvarlegs atviks sem uppgötvaðist í júlí miðar ágætlega. Allt kapp er lagt á að henni ljúki eins fljótt og mögulegt er.
Í dag, fimmtudaginn 17. september er búið að endurskoða tæplega 3.300 sýni. Þar af hafa 108 sýni sýnt vægar frumubreytingar sem kalla á frekari skoðun viðkomandi kvenna.
Krabbameinsfélagið mun birta uppfærðar tölur um endurtalningu sýnanna vikulega, hvern fimmtudag, þar til endurskoðun er lokið. Upplýsingarnar verða birtar með þessum hætti til að létta álagi af frumurannsóknarstofu Leitarstöðvarinnar.
Nýjar tölur verða birtar fimmtudaginn 24. september.