Endurnýjun íbúða fyrir fólk af landsbyggðinni
Krabbameinsfélagið á átta íbúðir með öðrum í Reykjavík fyrir fólk af landsbyggðinni sem greinist með krabbamein og þarf að sækja meðferð eða fara í rannsóknir í Reykjavík.
Íbúðirnar hafa nú fengið tímabæra endurnýjun, voru málaðar, baðherbergi gerð upp og innbú og húsgögn endurnýjuð. Landspítalinn sér um útleigu á íbúðunum.
„Það getur skipt sköpum að hafa öruggan dvalarstað í Reykjavík fyrir þá sem búa á landsbyggðinni, en þurfa að sækja krabbameinsmeðferð í Reykjavík. Meðferð getur tekið margar vikur og þá skiptir staðsetning máli og gott að geta dvalið í göngufæri við spítalann. Við viljum búa fólki heimilislegan og þægilegan samastað í höfuðborginni, á meðan þörfin er fyrir hendi vegna veikinda,“ segir Sigrún Lillie Magnúsdóttir, forstöðumaður hjá Krabbameinsfélaginu.