Sigriður Sólan Guðlaugsdóttir 10. okt. 2019

Bleika slaufan nánast uppseld og Bleiki dagurinn er á morgun

Örfá eintök eru eftir af Bleiku slaufunni 2019 hjá Krabbameinsfélaginu en mikil eftirspurn hefur verið eftir slaufunni í ár. Enn er þó hægt að fá slaufur hjá einhverjum söluaðilum víða um land.

Á morgun er Bleiki dagurinn, en þá eru fyrirtæki og einstaklingar hvattir til að sýna stuðning við konur og krabbamein með því að bera Bleiku slaufuna, klæðast bleiku og skreyta eða lýsa húsakynni með bleiku.

Árlega grein­ast um 800 kon­ur með krabba­mein og af þeim rúm­lega 200 kon­ur með brjóstakrabba­mein. Um 80% lands­manna seg­jast hafa greinst eða þekkja ein­hvern ná­kom­inn sem hef­ur greinst með krabba­mein.

„Málefnið stendur mörgum nærri og við erum himinlifandi yfir þessu góða gengi Bleiku slaufunnar í ár. Okkur óraði ekki fyrir því að þessi breyting úr nælu í hálsmen færi svona vel í fólk. Hönnun slaufunnar er líka einstök, eins og hún er reyndar alltaf, en Guðbjörg í Aurum á svo sannarlega heiður skilinn fyrir að hitta vel í mark,“ segir Halla Þorvaldsdóttir, framkvæmdastjóri Krabbameinsfélaginu.

Uppboð

Guðbjörg Kristín Ingvarsdóttir, skartgripahönnuður í Aurum hannar Bleiku slaufuna í ár, en hún sérsmíðaði tvö gulleintök, hálsmen með bleikum demanti og nælu með bleikum demanti, en það er eina nælan sem framleidd er í átakinu í ár. Þessir tveir skartgripir verða boðnir upp til styrktar átakinu og hægt er að bjóða í þá á Facebooksíðu Bleiku slaufunnar. Uppboðinu lýkur á þriðjudaginn, 15. október kl. 16:00.

„Við sjáum fólk úti um allt ganga með hálsmenið og þannig sýnir það stuðning í verki. Það er alveg á hreinu að sá stuðningur skilar sér ekki bara til okkar hjá Krabbameinsfélaginu heldur til þeirra 8200 kvenna í landinu sem hafa fengið krabbamein og fólksins í kringum þær. Það er auðvitað ekkert annað en dásamlegt! Við höfum heyrt af fólki sem saknar nælunnar og hefur brugðið á það ráð að taka menið af keðjunni og breyta í nælu. Það er gaman að því hvað fólk er úrræðagott þegar það vill sýna málstaðnum stuðning, En við sjáum líka aukningu á notkun Bleiku slaufunnar hjá yngri konum sem vilja frekar hálsmen og það er afar ánægjulegt,“ segir Halla.

Bleiki dagurinn

Á morgun, föstudaginn 11. október er Bleiki dagurinn. Mikill fjöldi fyrirtækja nýtir tækifærið til að sýna stuðning við konur sem eru með eða hafa fengið krabbamein. Dagurinn hefur mjög jákvætt yfirbragð og flestir taka honum fagnandi sem tækifæri til hópeflis og gleði.

„ Hjá okkur í Krabbameinsfélaginu verður sannarlega Bleik stemning og við hvetjum auðvitað alla til að taka þátt í gleðinni, sýna stuðning og senda okkur „bleikar“ myndir sem við birtum og miðlum þannig stemningunni sem er í gangi,“ segir Halla.


Fleiri nýjar fréttir

1. mar. 2024 : Við erum að kalla þig út, kall!

Við fögnum framförum í greiningu og meðferð en best er auðvitað ef hægt er að koma í veg fyrir krabbamein. Vísindin vísa okkur leiðina og rannsóknir sýna að 30 til 40% krabbameina tengjast lífsstíl. Það þýðir að ýmsar lífsvenjur, t.d. tóbaksnotkun, áfengisneysla, hreyfingarleysi, mataræði og fleiri þættir geta haft áhrif á líkurnar á ákveðnum tegundum krabbameina.

Lesa meira

29. feb. 2024 : Köllum kalla þessa lands út!

Mottumars, árlegt árvekni- og fjáröflunarátak tileinkað krabbameinum hjá körlum hefst í dag. Kallaútkall er yfirskrift átaksins í ár þar sem lögð er áhersla á forvarnargildi hreyfingar. Regluleg hreyfing dregur úr hættunni á krabbameinum, en allt of margir karlmenn hreyfa sig ekki nóg til að njóta þessara verndandi áhrifa. Það þarf ekki nema örfáar mínútur af hreyfingu á dag til að ná fram jákvæðum áhrifum.

Lesa meira

28. feb. 2024 : Upp með sokkana og í Mottumarshlaupið 2024

Komdu með í fyrsta Mottumarshlaup Krabbameinsfélagsins sem haldið verður á hlaupársdeginum 29. febrúar. Við lofum stuði og stemmningu um leið og við hreyfum okkur til stuðnings góðum málstað!

Lesa meira

27. feb. 2024 : Sjöunda árið í röð fær forsetinn fyrsta parið

Forseta Íslands, hr. Guðna Th. Jóhannessyni hefur frá árinu 2018 verið afhent fyrsta parið af Mottumarssokkunum sem seldir eru til styrktar Krabbameinsfélaginu í Mottumars, árlegu árvekni- og fjáröflunarátaki sem tileinkað er krabbameinum hjá körlum. Forsetinn hefur sýnt verkefninu ómetanlegan stuðning í gegnum árin.

Lesa meira

27. feb. 2024 : Mottumarssokkarnir hannaðir af AS WE GROW

Það eru þær Gréta Hlöðversdóttir, Snæfríð Þorsteins og Kamilla Henriau sem eru hugmyndasmiðirnir og hönnuðirnir á bakvið sokkana sem eru einstaklega fallegir. 

Lesa meira

Var efnið hjálplegt?