Laufey Tryggvadóttir framkv.stj. Krabbameinsskráar 18. jún. 2019

Aukaverkanir hjá einstaklingum sem fengu krabbamein á barnsaldri

Meðferð einstaklinga sem fá krabbamein á barnsaldri hefur tekið stórstígum framförum síðustu áratugi og eru horfurnar almennt mjög góðar. 

Ný norræn rannsókn leiðir hins vegar í ljós dálítið aukna áhættu á tilteknum taugasjúkdómum, einkum fyrsta áratuginn eftir greiningu, þótt krabameinið hafi verið utan miðtaugakerfisins. Krabbameinsskrá Krabbameinsfélagsins vann að rannsókninni sem birtist í vísindaritinu International Journal of Cancer.

Kannaðar voru innlagnir á sjúkrahús vegna taugasjúkdóma að minnsta kosti fimm árum eftir greiningu, hjá 16.000 einstaklingum sem greindust með krabbamein utan miðtaugakerfisins og voru undir 20 ára. Hópurinn greindist á árunum 1943-2008 og var frá Danmörku, Finnlandi, Íslandi og Svíþjóð. Í ljós kom að mesta áhættuaukningin var hjá þeim sem fengið höfðu taugakímsæxli eða hvítblæði. Algengasti taugasjúkdómurinn sem hækkaði í áhættu var flogaveiki og greindist hún hjá 1,4% hópsins.

„Norrænar krabbameinsskrár ásamt samstarfsaðilum hafa þegar birt á annan tug niðurstaðna úr rannsóknum á sjúkdómatíðni síðar á ævinni, hjá einstaklingum sem fengu krabbameinsgreiningu á barnsaldri. Það er mikilvægt að þekkja aukaverkanir sem koma í kjölfar krabbameinsmeðferðar hjá þeim stóra hópi sem er nú á lífi eftir krabbamein á barnsaldri svo hægt sé að vita hverju þarf að fylgjast vel með og þannig að grípa inn í sem fyrst“ segir Laufey Tryggvadóttir, framkvæmdastjóri Krabbameinsskrárinnar sem vann að rannsókninni. 


Fleiri nýjar fréttir

1. júl. 2019 : Framlenging um eitt ár á samningi um leitarstarf

Krabbameinsfélagið hefur fallist á beiðni heilbrigðisráðuneytisins um að halda skimunum fyrir krabbameinum í brjóstum og leghálsi áfram hjá Leitarstöð félagsins, til ársloka 2020. Skrifað var skrifað undir samning við Sjúkratryggingar um framlenginguna á föstudag.

Lesa meira

1. júl. 2019 : Framför gengur í Europa UOMO

Samtökin Framför voru nýverið tekin inn í Europa UOMO, Evrópusamtök fyrir karlmenn sem greinst hafa með krabbamein í blöðruhálskirtli.

Lesa meira
Brjóstaskoðun á Leitarstöð

28. jún. 2019 : Tvöfalt fleiri konur mæta í skimun þegar hún er ókeypis

Fjöldi 23ja ára kvenna sem koma í fyrsta sinn í leghálsskimun og 40 ára kvenna sem koma í brjóstaskimun í fyrsta sinn hefur rúmlega tvöfaldast með nýju tilraunaverkefni Krabbameinsfélagsins sem býður konunum skimunina sér að kostnaðarlausu í ár. 

Lesa meira

28. jún. 2019 : Tengsl milli mikillar líkamsfitu og illvígs krabbameins í blöðruhálskirtli

Ný íslensk rannsókn sem unnin er í samstarfi við Harvard háskóla sýnir fram á tengsl milli mikillar líkamsfitu og illvígs krabbameins í blöðruhálskirtli.

Lesa meira

28. jún. 2019 : Opnunartími og sumarleyfi

Starfsemi Krabbameinsfélagsins verður takmörkuð í júlí og byrjun ágúst vegna sumarleyfa. Upplýsingar um opnunartíma má sjá hér að neðan.

Lesa meira

Var efnið hjálplegt?