Sigriður Sólan Guðlaugsdóttir 12. nóv. 2018

Anna Pálína hannar Mottumarssokkana 2019

  • Halla-Anna-Palina-og-Eva-Maria2-copy

Alls bárust um 50 tillögur um hönnun Mottumarssokkanna 2019. Dómnefnd hefur valið vinningstillöguna.

Tillaga Önnu Pálínu Baldursdóttur, nemanda á 2. ári í grafískri hönnun, varð hlutskörpust í samkeppninni. Sokkar með hennar hönnun verða því fjöldaframleiddir og seldir til styrktar Mottumars, fjáröflunarátaki félagsins í þágu karlmanna og krabbameina. 

Samkeppni um hönnun Mottumarssokkanna er samstarf Krabbameinsfélags Íslands og hönnunar- og arkítektúrdeildar Listaháskóla Íslands.

Dómnefnd var skipuð þeim Evu Maríu Árnadóttur, verkefnastjóra í hönnunar- og arkítektúrdeild LHÍ, Guðmundi Pálssyni, vefstjóra Krabbameinsfélagsins og Kolbrúnu Silju Ásgeirsdóttur, fjáröflunarstjóra félagsins. 

Domnefnd-copyMyndatexti: Dómnefnd að störfum.

„Í tillögunum birtist mikill metnaður, það er faglega unnið að þeim og það er greinilegt að nemendurnir í Listaháskólanum eru úrvalsnemendur sem hafa lagt mikið á sig við tillögugerðina ofan á námsálag hefðbundins skólastarfs,” segir Guðmundur Pálsson, fulltrúi KÍ í dómnefnd. 

Í 2. sæti samkeppninnar voru nemendur á fyrsta ári í arkitektúr, þau Helena Ósk Óskarsdóttir, Katrín Heiðar, Stefán Ari Björnsson og Svava Ragnarsdóttir - og í 3. sæti var Freyja Maria Cabrera, nemandi í grafískri hönnun. 

„Það er magnað hvað það eru margar og fallegar tillögur og það er húmor í mörgum þeirra,“ segir Eva María Árnadóttir, fulltrúi LHÍ í dómnefnd.

Engin peningaverðlaun eru í boði fyrir vinningstillöguna, en höfundur verður nafngreindur á umbúðum sokkanna.

„Krabbameinsfélagið vill koma á framfæri kærum þökkum til nemendanna sem tóku þátt og við þökkum einnig frábæra samvinnu við Listaháskólann,“ segir Halla Þorvaldsdóttir, framkvæmdastjóri Krabbameinsfélags Íslands. „Við hlökkum til að kynna vinningssokkana þegar við hefjum Mottumars - það er mikil gleði í sokkunum, en við gefum ekki meira upp þangað til.“

Halla-Anna-Palina-og-Eva-Maria2-copy

Á myndinni eru Halla Þorvaldsdóttir, Anna Pálína Baldursdóttir og Eva María Árnadóttir.


Fleiri nýjar fréttir

12. ágú. 2020 : Landspítali á hrós skilið fyrir að tæma biðlista

Krabbameinsfélagið fagnar því að ekki er lengur biðlisti hjá Landspítala eftir klínískum brjóstaskoðunum. Mikilvægt er að tryggja að þessari stöðu verði haldið og biðlistinn myndist ekki aftur.

Lesa meira

4. ágú. 2020 : Reykjavíkur­maraþoni Íslands­banka aflýst

Góðgerðarfélögin munu halda sínum áheitum þó svo að hlaupið fari ekki fram. Leitað er leiða til að halda söfnuninni áfram og verður upplýsingum þar að lútandi komið á framfæri á næstu dögum.

Lesa meira

30. júl. 2020 : Notum andlits­grímur í heimsókn á Leitar­stöðina

Þeim sem heimsækja Leitarstöðina ber að nota andlitsgrímur við skimunina. 

Lesa meira

6. júl. 2020 : Krabbamein fer ekki í frí

Vitundarvakning Krafts sem snýr að því að kynna fólki opnunartíma þjónustuaðila sem sinna krabbameinsgreindum og aðstandendum þar sem starfsemi og þjónusta getur oft verið minni yfir sumartímann.

Lesa meira

6. júl. 2020 : Sumaropnun hjá Ráðgjafarþjónustunni

Breyting á opnunartíma í júlí hjá Ráðgjafarþjónustunni í Reykjavík og á landsbyggðinni: Akureyri, Austurlandi, Selfossi og Suðurnesjum.

Lesa meira

Var efnið hjálplegt?