Guðmundur Pálsson 6. apr. 2018

Vinningshafi jólahappdrættis fékk afhentan Volkswagen Golf

  • Við afhendingu vinningsins. Á myndinni eru Guðlaug B. Guðjónsdóttir framkvæmdastjóri Krabbameinsfélags Reykjavíkur, vinningshafinn Jensína Jónsdóttir og Hallgrímur Andri Jóhannsson sölumaður hjá Heklu.

Reykvíkingurinn Jensína Jónsdóttir datt í lukkupottinn þegar miði hennar var dreginn út í jólahappdrætti Krabbameins­félagsins 2017. Verðlaunagripinn, splunkunýjan Volkswagen Golf, fékk hún nýlega afhentan, en andvirði hans er um fimm milljónir króna.

Þetta var einn af 279 skattfrjálsum vinningum í happdrættinu. Jensína átti erfitt með að trúa sínum eigin augum þegar hún sá vinningaskránna. Hún ákvað strax þegar greiðsluseðilinn barst til hennar með tveimur happdrættismiðanúmerum að þessa miða ætlaði hún að greiða til minningar um bræður sína. Báðir bræður Jensínu létust af völdum krabbameins, annar árið 2014 og hinn árið 2016. Þeir voru báðir bifvélavirkjar og höfðu alltaf verið henni innan handar með bílamál. Með nýja vinningsbílnum þyrfti hún ekki að hafa áhyggjur af viðgerðum á næstu árum.

Tekjum af happdrætti Krabbameinsfélagsins hefur fyrst og fremst verið varið til fræðslu um krabbamein og krabbameins­varnir, útgáfu fræðslurita og stuðnings við krabbameinssjúklinga. Stuðningur við happdrættið hefur gert félaginu kleift að halda uppi öflugu fræðslustarfi í þágu þjóðarinnar. Krabbameinsfélag Reykjavíkur hefur umsjón með framkvæmd og rekstri happ­drættis Krabbameinsfélagsins.

Krabbameinsfélagið vill þakka landsmönnum fyrir góðan stuðning í jólahappdrættinu, óskar öllum vinningshöfum innilega til hamingju með vinningana og bílaumboðinu Heklu fyrir mjög gott samstarf. 


Fleiri nýjar fréttir

24. apr. 2018 : KÍ fagnar umræðu um fyrirkomulag skimana

Í fréttaskýringaþættinum Kveik í kvöld var fjallað um stöðu skimunar fyrir krabbameinum á Íslandi. Krabbameinsfélagið fagnar umræðu um mikilvægi skimunar, en dregið hefur úr þátttöku í henni síðustu ár. Um er að ræða mikilvægt mál sem snertir heilsu kvenna um land allt.

Lesa meira

18. apr. 2018 : Skorað á framboð til sveitastjórna

Krabbameinsfélagið skorar á öll framboð til sveitarstjórna að beita sér fyrir forvörnum gegn krabbameinum sem felast meðal annars í hvatningu til heilbrigðra lífshátta. 

Lesa meira

16. apr. 2018 : Málþing: Endurhæfing alla leið

Endurhæfingarteymi krabbameinsgreindra á Landspítala, Krabbameinsfélag Íslands, Ljósið, Kraftur, Heilsustofnun NLFÍ og Reykjalundur boða til málþings um endurhæfingu fólks sem greinst hefur með krabbamein.

Lesa meira

15. apr. 2018 : Aðalfundur Krabbameinsfélags Íslands

Laugardaginn 5. maí verður aðalfundardagur Krabbameinsfélags íslands haldinn í húsnæði félagsins að Skógarhlíð 8. 

Lesa meira

13. apr. 2018 : Páll Sveinsson hannar Bleiku slaufuna 2018

Sigurvegari í samkeppni um hönnun Bleiku slaufunnar 2018 er Páll Sveinsson gullsmíðameistari. Páll er verkstæðisformaður hjá úra- og skartgripaverslun Jóns og Óskars á Laugarvegi.

Lesa meira

Var efnið hjálplegt?