Afhending bíls í jólahappdrætti Krabbameinsfélagsins 2016
-
Við afhendingu vinningsins á Akureyri. Á myndinni eru vinningshafinn Eydís Ágústa Jóhannesdóttir og Ingimundur Ingimundarsson sölumaður hjá Höldur bílasölu, umboðsaðila Bílaumboðsins Öskju á Akureyri.
Akureyringurinn Eydís Ágústa Jóhannesdóttir, heppinn greiðandi miða í jólahappdrætti Krabbameinsfélagsins 2016, fékk nýlega afhentan nýjan KIA cee´d Sportswagon, að andvirði um 3,1 milljónir króna. Þetta var einn af 226 skattfrjálsum vinningum í happdrættinu. Eydís átti erfitt með að trúa sínum eigin augum þegar hún sá vinningaskránna og þótti öruggara að hringja og fá það staðfest og hvort nokkur möguleiki væri að um prentvillu væri að ræða.
Tekjum af happdrætti Krabbameinsfélagsins hefur fyrst og fremst verið varið til fræðslu um krabbamein og krabbameins¬varnir, útgáfu fræðslurita og stuðnings við krabbameinssjúklinga. Stuðningur við happdrættið hefur gert félaginu kleift að halda uppi öflugu fræðslustarfi í þágu þjóðarinnar. Krabbameinsfélag Reykjavíkur hefur umsjón með framkvæmd og rekstri happdrættis Krabbameinsfélagsins.
Krabbameinsfélagið vill þakka landsmönnum fyrir góðan stuðning í jólahappdrættinu, óskar vinningshöfum innilega til hamingju með vinningana og Bílaumboðinu Öskju fyrir mjög gott samstarf.
