70 andlit í 70 ár - Sóley Kristjánsdóttir
Sóley Kristjánsdóttir greindist með krabbamein árið 2017 þá 37 ára og hafði aldrei orðið veik, var með tvö lítil börn og hélt að ekkert gæti komið fyrir sig. Greiningin kom henni mjög mikið á óvart.
Sóley segir orðið krabbamein ótrúlega gildishlaðið, stórt og mikið orð og við greininguna fattar maður að maður sé dauðlegur.
Sóley ákvað að fara í veikindaleyfi í hálft ár meðan hún væri að ganga í gegnum meðferðina. Hún ákvað að snúa þessu upp í að reyna að gera eitthvað fyrir sig á þessum tíma. Gerði sér alls konar plön um hvað hana langaði að gera og læra hún reyndi að gera þetta að skemmtilegu tímabili eins asnalega og það hljómar. Þegar hún hugsa til baka er þetta ekki bara hræðilegt því hún gerði svo mikið af góðum hlutum sem sitja eftir.
https://www.youtube.com/watch?v=eszaV9zmoDs
Sóley Kristjánsdóttir er eitt af 70 andlitum Krabbameinsfélagsins á afmælisárinu 2021. Við ætlum að birta 70 myndir eða myndskeið af fólki sem hefur komið við sögu í baráttunni gegn krabbameinum í 70 ára sögu félagsins. Við hvetjum fólk til að fylgjast með á Instagram og Facebook, myllumerkið er #70andlit
