70 andlit fyrir 70 ár - Vilborg Davíðsdóttir
Vilborg Davíðsdóttir er rithöfundur og þjóðfræðingur sem hefur hlotið mikið og verðskuldað lof fyrir bækur sínar. Sögur hennar eiga það oftar en ekki sammerkt að fjalla um baráttu kvenna í karllægu samfélagi landnámsmanna á Íslandi. Eiginmaður hennar lést vegna heilakrabbameins árið 2013.
„Heilakrabbi dró manninn minn til dauða árið 2013 og pabbi lést úr lungnakrabbameini litlu síðar. Hjálpin sem ég naut frá Krabbameinsfélagi íslands, með viðtölum hjá Ráðgjafarþjónustunni, núvitundarnámskeiði og syrgjendasamveru, var mér ómetanleg í sorginni og hefur nýst mér alla daga síðan. Hjartans þakkir fyrir mig.“
Vilborg Davíðsdóttir er rithöfundur og þjóðfræðingur sem hefur hlotið mikið og verðskuldað lof fyrir bækur sínar. Sögur hennar eiga það oftar en ekki sammerkt að fjalla um baráttu kvenna í karllægu samfélagi landnámsmanna á Íslandi. Árið 2015 kom út hennar eigin saga, Ástin, drekinn og dauðinn, þar sem hún lýsir með einstökum hætti þeirri erfiðu reynslu að fylgja eiginmanni sínum í gegnum erfið veikindi, að kljást við drekann, að syrgja síðan eiginmann sinn og verða ekkja ung að árum.
Vilborg Davíðsdóttir er eitt af 70 andlitum Krabbameinsfélagsins á afmælisárinu 2021. Við ætlum að birta 70 myndir eða myndskeið af fólki sem hefur komið við sögu í baráttunni gegn krabbameinum í 70 ára sögu félagsins. Krabbameinsfélagið er rekið fyrir sjálfsaflafé með stuðningi frá íslenskum almenningi og fyrirtækjum. Við hvetjum fólk til að fylgjast með á instagram og facebook, myllumerkið er #70andlit