Anna Margrét Björnsdóttir 16. okt. 2023

Saga Bryndísar

Bryndís Guðmundsdóttir greindist með stórt illkynja mein í öðru brjóstinu rétt fyrir hvítasunnuhelgina vorið 2022. Hún hitti ráðgjafa á Selfossi snemma í sínu ferli og segist hafa farið sterkari inn í verkefnið fyrir vikið. Hennar leiðarljós var að halda í heilsu og heilbrigði, þótt hún væri að glíma við krabbamein.

Bryndís Guðmundsdóttir greindist með stórt illkynja mein í öðru brjóstinu rétt fyrir hvítasunnuhelgina vorið 2022. Hún fékk fréttirnar rétt fyrir kvöldmat á föstudegi og hafði þá engar upplýsingar um hvort meinið væri búið að dreifa sér. „Ég fór inn í þessa löngu helgi í algjöru sjokki.“ Hún svaf lítið og illa um nóttina, en þegar hún vaknaði um morguninn var hún búin að ákveða viðhorfið sem hún ætlaði að taka með sér inn í þetta stóra verkefni.

Ég vaknaði um morguninn, snéri mér að unnusta mínum, tók utan um hann og sagði: Mig langar að lifa lengur.

Bryndís nýtti sér snemma upplýsingar á vefsíðu Krabbameinsfélagsins og segir það hafa gefið sér styrk að lesa sér til um líkur á að sigra brjóstakrabbamein. Á vefsíðunni fékk hún líka upplýsingar um ráðgjöf sem stæði henni til boða í hennar heimabyggð á Selfossi.

Það var frábært að fá aðila til að hlusta á, til að tala við, til að leita ráða hjá og fá peppið. Ættingjar og vinir hlusta á mann, en það er bara allt öðruvísi að tala við ráðgjafa á þessu stigi.

Áhersla Bryndísar í gegnum meðferðirnar var á heilsu og heilbrigði, en henni var hugleikið að sýna það að hún væri heilsuhraust og heilbrigð þótt hún væri að glíma við krabbamein. Hún hafði sig til á hverjum degi, því það hjálpaði henni að líða vel. Bryndís segist hafa farið léttar í gegnum þetta verkefni heldur en hún var búin að sjá sér í fyrstu og er þakklát fyrir hversu vel hefur gengið.

Viðtalsupptaka Bryndísar Guðmundsdóttur

https://youtu.be/Q5UAyubgzTo


Fleiri nýjar fréttir

1. mar. 2024 : Við erum að kalla þig út, kall!

Við fögnum framförum í greiningu og meðferð en best er auðvitað ef hægt er að koma í veg fyrir krabbamein. Vísindin vísa okkur leiðina og rannsóknir sýna að 30 til 40% krabbameina tengjast lífsstíl. Það þýðir að ýmsar lífsvenjur, t.d. tóbaksnotkun, áfengisneysla, hreyfingarleysi, mataræði og fleiri þættir geta haft áhrif á líkurnar á ákveðnum tegundum krabbameina.

Lesa meira

29. feb. 2024 : Köllum kalla þessa lands út!

Mottumars, árlegt árvekni- og fjáröflunarátak tileinkað krabbameinum hjá körlum hefst í dag. Kallaútkall er yfirskrift átaksins í ár þar sem lögð er áhersla á forvarnargildi hreyfingar. Regluleg hreyfing dregur úr hættunni á krabbameinum, en allt of margir karlmenn hreyfa sig ekki nóg til að njóta þessara verndandi áhrifa. Það þarf ekki nema örfáar mínútur af hreyfingu á dag til að ná fram jákvæðum áhrifum.

Lesa meira

28. feb. 2024 : Upp með sokkana og í Mottumarshlaupið 2024

Komdu með í fyrsta Mottumarshlaup Krabbameinsfélagsins sem haldið verður á hlaupársdeginum 29. febrúar. Við lofum stuði og stemmningu um leið og við hreyfum okkur til stuðnings góðum málstað!

Lesa meira

27. feb. 2024 : Sjöunda árið í röð fær forsetinn fyrsta parið

Forseta Íslands, hr. Guðna Th. Jóhannessyni hefur frá árinu 2018 verið afhent fyrsta parið af Mottumarssokkunum sem seldir eru til styrktar Krabbameinsfélaginu í Mottumars, árlegu árvekni- og fjáröflunarátaki sem tileinkað er krabbameinum hjá körlum. Forsetinn hefur sýnt verkefninu ómetanlegan stuðning í gegnum árin.

Lesa meira

27. feb. 2024 : Mottumarssokkarnir hannaðir af AS WE GROW

Það eru þær Gréta Hlöðversdóttir, Snæfríð Þorsteins og Kamilla Henriau sem eru hugmyndasmiðirnir og hönnuðirnir á bakvið sokkana sem eru einstaklega fallegir. 

Lesa meira

Var efnið hjálplegt?