Lýsi styrkir Bleiku slaufuna
Lýsi er dyggur samstarfsaðili Bleiku slaufunnar og hefur undanfarin ár fært valdar vörur sínar í bleikan búning í tilefni af hinu árlega árvekni- og fjáröflunarverkefni Krabbameinsfélagsins. Í október síðastliðnum runnu 300 kr. af hverri seldri dós af bleiku Omega 3 Forte til átaksins og í heildina söfnuðust 1.404.900 kr. Krabbameinsfélagið þakkar Lýsi og viðskiptavinum þeirra kærlega fyrir stuðninginn.
Starf Krabbameinsfélagsins byggist alfarið á framlögum einstaklinga og fyrirtækja og því er stuðningur af þessu tagi afar mikilvægur í baráttunni gegn krabbameinum. Styrkir til félagsins í tengslum við árvekni- og fjáröflunarátök á borð við Bleiku slaufuna nýtast m.a. í endurgjaldslausan stuðning og ráðgjöf við krabbameinsgreinda og aðstandendur um allt land, til rannsókna á krabbameinum, forvarna og fræðslu.
Viðskiptavinir Lýsis lögðu málefninu lið með kaupum á rúmlega 4.600 bleikum dósum af Omega 3 Forte og þakkar Krabbameinsfélagið enn og aftur kærlega fyrir stuðninginn.