Anna Margrét Björnsdóttir 25. mar. 2023

Krabbameinsfélagið á ferð og flugi

Eitt af verkefnum Krabbameinsfélagsins er að sinna fræðslu og forvarnarstarfi, en vinnustöðum og fyrirtækjum stendur til boða að fá fræðsluerindi fyrir starfsmannahópa frá sérfræðingum félagsins. 

Eftirspurnin er mikil í tengslum við árlegu átaksverkefnin og upp á síðkastið hafa sérfræðingar í fræðslu og forvörnum hjá Krabbameinsfélaginu flutt vel á annan tug erinda um forvarnir gegn krabbameinum og forvarnargildi heilsbrigðs lífstíls. Áhersla erindanna í þessum Mottumars er einnig að hvetja fólk, einkum karlmenn, til að þekkja einkenni krabbameina og leita sér læknishjálpar ef þeirra verður vart.

Á þessum fræðsluviðburðum gefst starfsfólki kostur á að spyrja sérfræðinga okkar beint og fá svör við því sem vakir fyrir því. Við fáum um leið upplýsingar um það sem brennur helst á fólki í tengslum við málaflokkinn, en það nýtist okkur jafnframt við að móta starfið hjá okkur. Saman fækkum við nýjum tilfellum krabbameina og dauðsföllum og bætum lífsgæði þeirra sem greinast með krabbamein.

Hafðu samband með því að senda tölvupóst á krabb@krabb.is ef þitt fyrirtæki hefur áhuga á að bóka fyrirlestur.


Fleiri nýjar fréttir

Sol-og-solarvarnir-frettabref-1-

17. maí 2024 : Fréttabréf maí mánaðar

Sólin er umræðuefni fréttabréfs maí mánaðar. Við tökum fyrir sólarvarnir og hve miklu máli þær skipta fyrir alla, þó sérstaklega börnin. Þá ræðum við húðkrabbamein sem og ráð fyrir þau sem eru með krabbamein í sumarfríinu.

Lesa meira

16. maí 2024 : Styrkir til gæða­verkefna og vísinda­rannsókna í heil­brigðis­þjónustu

Auglýst er eftir umsóknum um styrki í Minningarsjóð um hjónin Bergþóru Magnúsdóttur og Jakob Júlíus Bjarnason.

Lesa meira

8. maí 2024 : Málþing: Stöðluð greiningar- og meðferðarferli, allt frá því að grunur vaknar um krabbamein

Myndi innleiðing slíkra ferla hér á landi hjálpa til við að takast á við þær áskoranir sem fylgja krabbameinum í framtíðinni? 

Lesa meira

7. maí 2024 : „Kíkjugataaðgerð“ við lungnakrabbameini styttir legutíma um helming

Vísindasjóður Krabbameinsfélags Íslands styrkti rannsóknina. Árangur blaðnámsaðgerða með aðstoð brjóstholssjár við lungnakrabbameini. Niðurstöðurnar sýna að á ekki stærra sjúkrahúsi en Landspítala er hægt er að taka upp tæknilega flókna skurðaðgerð án þess að slegið sé af kröfum um öryggi. Þannig lifðu allir sjúklingarnir aðgerðina af en færri fylgikvillar og minni verkir styttu legutíma um helming. 

Lesa meira

24. apr. 2024 : Fundarboð: Aðal­fundur Krabba­meins­félagsins

Hér með er boðað til aðalfundar Krabbameinsfélagsins sem fer fram laugardaginn 25. maí kl. 13 í húsnæði félagsins að Skógarhlíð 8, Reykjavík.

Lesa meira

Var efnið hjálplegt?