Fræðslumyndband um hvernig ristilspeglun fer fram. Farið er í gegnum allt ferlið, allt frá undirbúningi til lok skoðunar. Talað er við einstaklinga sem farið hafa í gegnum þetta ferli og þau lýsa upplifun sinni.

Sigríður Arnardóttir sem stýrir þættinum Fólk með Sirrý á Hringbraut, heimsótti Leitarstöð Krabbameinsfélagsins og fór í brjóstaskoðun og ræddu við starfsfólk Leitarstöðvarinnar.

Viðtal við Láru G. Sigurðardóttur lækni og fræðslustjóra Krabbameinsfélagsins á sjónvarpsstöðinni Hringbraut um áherslurnar í árveknisátaki Bleiku slaufunnar 2015.

Á hverju ári greinast á Íslandi um 135 karlar og konur með krabbamein í ristli og endaþarmi, og að meðaltali deyr einn einstaklingur nánast í hverri viku af völdum þess. Þó er þetta sjúkdómur sem oft er hægt að fyrirbyggja og lækna ef hann uppgötvast nógu snemma. Í þessari nýju fræðslumynd er fjallað um þetta algenga krabbamein frá sjónarhóli lækna og hjúkrunarfræðinga, auk þess sem sjúklingar og aðstandandi segja frá baráttu sinni við sjúkdóminn.

Í þessari íslensku heimildarmynd fjalla læknar um helstu tegundir húðkrabbameina, hvernig þau myndast og hvernig þau eru meðhöndluð. Tvær konur segja frá reynslu sinni af því að greinast með húðkrabbamein og aðstandandi rekur baráttusögu móður sinnar sem lést af völdum sortuæxlis.

Ráðgjafarþjónusta Krabbameinsfélagsins boðaði til örráðstefnu um krabbamein í blöðruhálskirtli þriðjudaginn 8. mars 2016 af tilefni Mottumars.

Þáttur um leghálskrabbamein í þáttaröðinni Nýsköpun - Íslensk vísindi sem sýnd var 2009 í Sjónvarpinu. Umsjónarmaður var Ari Trausti Guðmundsson. 2. þáttur sem fjallar um árangur í baráttunni gegn skæðu krabbameini og nýjar uppgötvanir um orsakir þess.

Einstaklingar úr Góðum hálsum og Frískum mönnum, sem eru stuðningshópar karla með krabbamein í blöðruhálskirtli, voru í viðtali á Stöð 2 í þættinum Ísland í dag.

Í þessari íslensku heimildarmynd útskýra læknar eðli lungnasjúkdóma af völdum reykinga og sjúklingar segja frá glímu sinni við þá.

Krabbameinsfélagið hélt örráðstefnuna Að greinast aftur og aftur og aftur... Að lifa með krabbamein, mánudaginn 18. apríl 2011 í Ráðgjafarþjónustu Krabbameinsfélagsins, Skógarhlíð 8.

Sirrý ræðir við Helga Pétursson og Tolla Morthens um baráttu þeirra við krabbamein. Einnig er rætt við Eirík Jónsson þvagfæraskurðlækni og Kristján Oddsson forstjóra Krabbameinsfélagsins.

Árveknisátak gegn ristilkrabbameini í karlmönnum árið 2015.