Sandra Dögg: Erfitt að eiga á hættu að deyja
Sandra Dögg Eggertsdóttir greindist fyrir fimm árum, þá 18 ára, með Ewing Sarcome beinkrabbamein í viðbeini. Jafningjastuðningur hjálpaði henni og auðveldaði ferlið.
„Að ganga í gegnum krabbameinsmeðferð og eiga það á hættu að deyja var vissulega erfitt, en það hefur gert mig sterkari og gefið mér aðra sýn á lífið. Jafningjastuðningur er svo mikilvægur því þú getur sótt allt annars konar stuðning til fólks sem hefur farið í gegnum krabbameinsmeðferð heldur en frá læknum sem vita staðreyndirnar en eiga kannski erfitt með að átta sig á hvernig líðanin er. Jafningjastuðningurinn getur hjálpað fólki í gegnum þetta og auðveldað ferlið.“
„Jafningjastuðningurinn getur hjálpað fólki í gegnum þetta og auðveldað ferlið.“
Sandra Dögg er stuðningsfulltrúi í Stuðningsnetinu
