Krabbameinsfélag Árnessýslu: hollara namminámskeið
Fimmtudaginn 22.september kl.17:00-19:00 býður Krabbameinsfélag Árnessýslu uppá námskeið Oddrúnar heilsumarkþjálfa og áhugamanneskju um heilbrigt og hollt mataræði.
Námskeið Oddrúnar hafa verið geisilega vinsæl síðustu ár og er félagið gríðarlega spennt að taka á móti henni á Eyraveginum og bjóða ykkur að njóta góðs af. Oddrún heldur úti heimasíðunni www.heilsumamman.com og má þar finna ýmsan fróðleik og áhugaverðar uppskriftir.
Á námskeiðinu gera þátttakendur sælgæti af hollari gerðinni, fá útprentaðar uppskriftir og öskju til að taka afraksturinn með sér heim.
Nauðsynlegt er að skrá sig á námskeiðið til að áætla hráefniskaup og húsrými. Námskeiðið er félagsmönnum að kostnaðarlausu. Skráningar sendist á netfangið arnessysla@krabb.is eða í síma 482 1022.