„Ég get“ er mikilvægasta hugsunin
Blað Krabbameinsfélagsins veturinn 2020-2021 er komið út með fjölbreyttu og áhugaverðu efni.
Í blaðinu er að finna viðtöl við Hilmar Snæ Örvarsson, ólympíufara, Sigríði Thorlacius, söngkonu og Valgerði Sigurðardóttur, yfirlækni líknardeildar Landspítalans og formann Krabbameinsfélagsins. Auk þess er í blaðinu fjöldi greina og upplýsinga um starf félagsins.
„Hver og einn á sér sögu, en ég verð að viðurkenna að sögur þeirra Hilmars, Sigríðar og Valgerðar eru alveg hreint magnaðar. Þau eru frábærar fyrirmyndir, hvert á sínu sviði og félagið er þeim þakklátt fyrir að deila reynslu sinni með lesendum. Öll þekkjum við einhvern sem hefur fengið krabbamein og í blaðinu eru einnig áhugaverðar upplýsingar um rannsóknir, starfsemi félagsins og ýmislegt annað sem tengist á einn eða annan hátt krabbameinum. Ég hvet alla til að lesa blaðið,“ segir Sigríður Sólan Guðlaugsdóttir, ritstjóri blaðsins og kynningarstjóri félagsins.
Blaðið má nálgast rafrænt hér, en einnig mun það liggja frammi í afgreiðslu Krabbameinsfélagsins í Skógarhlíð.
Efnisyfirlit:
- Halla Þorvaldsdóttir: Við erum tilbúin að mæta nýjum áskorunum með nýjum leiðum
- Velunnarar
- Akstursþjónusta
- Rannsóknir: Áttavitinn
- Karlaklefinn: Gagnvirkt „ákvörðunartæki” auðveldar ákvörðun
- Af hverju er ristilskimun ítrekað frestað?
- Vísindasjóður: Vísindi eru skapandi listform
- Rannsókn á bólusetningu gegn leghálskrabbameini bendir til langtímaverndar
- Stuðningur við börn og unglinga sem missa foreldri
- Samtal við börn um áhrif krabbameina á fjölskyldur
- Sigríður Thorlacius: Systur mínar létust úr krabbameini
- Ráðgjafarþjónustan: Ráðgjafi í fullu starfi á Austurlandi
- Maður þarf ekki að vera fagaðili til að geta hjálpað
- Hilmar Snær Örvarsson: „Ég get” er mikilvægasta hugsunin
- Leitarstöðin: Baráttumál kvenna að koma skimunum á fót
- Valgerður Sigurðardóttir: Maður deyr eins og maður lifir
- Ráðgjafarþjónustan: Viðtal hjá lækni - hvernig er það best nýtt?
- Landlæknir rannsakar alvarlegt atvik við leghálsskimun
- Framför endurreist
- Krabbameinsfélagið - Öflugt félag á traustum grunni
- Vaxtarhraði á unglingsárum og mataræði á lífsleiðinni
