Velunnarar Krabbameinsfélagsins styðja við mikilvæga þjónustu um land allt
Velunnarar Krabbameinsfélagsins taka þátt í baráttunni gegn krabbameini með mánaðarlegum framlögum og styrkja meðal annars fjölbreyttar rannsóknir.
Auk þess styrkja Velunnarar fræðslu og forvarnir, endurgjaldslausa ráðgjöf til krabbameinsgreindra og aðstandenda þeirra.
Stuðningur Velunnara hefur einnig gert það að verkum að nú getur Ráðgjafarþjónusta Krabbameinsfélagsins verið með starfmenn á fjórum stöðum á landsbyggðinni á Akureyri, Austurlandi, Selfossi og Suðurnesjum auk þjónustuskrifstofa.
Velunnarar styðja einnig við ýmsa starfsemi aðildarfélaganna á landsbyggðinni - hér eru nokkur dæmi um verkefni sem njóta stuðnings í ár:
- Iðjuþjálfi hjá Krabbameinsfélaginu í Skagafirði
- Viðtöl og sálgæsla hjúkrunarfræðings hjá Krabbameinsfélaginu á Suðurnesjum
- Gerð fræðsluefnis um blöðru- hálskirtilskrabbamein hjá Krabbameinsfélagi höfuðborgarsvæðisins
- Námskeiðið Fjölskyldusamvera fyrir börn og unglinga á aldrinum 5-15 ára sem eiga það sameiginlegt að eiga náinn aðstandanda með krabbamein eða hafa misst náinn aðstandanda úr krabbameini hjá Krabbameinsfélagið Akureyrar og nágrennis
- Heilsuefling með golfnámskeiði í samstarfi við Golfklúbbinn á Selfossi hjá Krabbameinsfélagið Árnessýslu.
- Jóganámskeið fyrir krabbameinsgreinda hjá Krabbameinsfélagi Árnessýslu.
- Núvitundarnámskeið með áherslu á þreytu, orkuleysi og verki hjá Krabbameinsfélagi Akureyrar og nágrennis.
- Ýmis fræðsla og fyrirlestrar á vegum Krabbameinsfélagsins á Suðurnesjum.
- Hvíldarhelgi á Eiðum fyrir krabbameinsgreinda.
- Heimasíðugerð hjá Krabbameinsfélaginu Sigurvon og Krabbameinsfélagi Árnessýslu.
- 40 ára afmælisrit Stómasamtakanna.
- Starfsmaður hjá stuðningsfélaginu Framför til að efla tengsl við karla sem greinst hafa með blöðruhálskrabbamein og gerð fræðsluefnis.
Greinin birtist í Blaði Krabbameinsfélagsins veturinn 2020-2021.
