Í laginu góða eftir Spilverk þjóðanna segir frá grey styttunum sem standa aleinar á stöllunum og sumar allsberar. Því hefur verið kippt í liðinn, því vel valdar styttur í miðbæ Reykjavíkur skarta nú borðunum úr Frestunarsamkeppni Mottumars og eru reiðubúnar fyrir Mottudaginn 31. mars næstkomandi.

Viðtal við hjónin Hildi Ýr Kristinsdóttur og Helga Rúnar Bragason, þátttakanda í Skeggkeppni Mottumars og heiðursfélaga Round Table Ísland. Söfnunarsíðu Helga Rúnars í Skeggkeppni Mottumars má nálgast hér.

Á Mottudeginum 31. mars stendur Krabbameinsfélagið fyrir málþingi sem ber yfirskriftina „Ekki humma fram af þér heilsuna!“ Hægt að horfa á upptöku af málþinginu hér.

Krabbameinsfélaginu er ekkert óviðkomandi þegar kemur að krabbameinum. Starfsemi og þjónusta félagsins er fyrir alla en í Bleiku slaufunni í október er athyglinni beint að krabbameinum hjá konum og í Mottumars að krabbameinum hjá körlum með áherslu á forvarnir og fræðslu af ýmsu tagi.

Eitt af verkefnum Krabbameinsfélagsins er að sinna fræðslu og forvarnarstarfi, en vinnustöðum og fyrirtækjum stendur til boða að fá fræðsluerindi fyrir starfsmannahópa frá sérfræðingum félagsins. 

Í dag er kvödd frá Hallgrímskirkju Gunnhildur Óskarsdóttir, prófessor við Menntavísindasvið HÍ og stofnandi samtakanna Göngum saman. Með Gunnhildi er gengin einstök kona sem skildi mikið eftir sig. Það er mikill sjónarsviptir að Gunnhildi víða í samfélaginu en mestur er auðvitað missir fjölskyldu Gunnhildar. Hjá Krabbameinsfélaginu er Gunnhildar minnst með mikilli hlýju og virðingu og aðstandendum Gunnhildar sendir félagið innilegar samúðarkveðjur.

Viðtal við Jón Baldur Bogason, þátttakanda í Skeggkeppni Mottumars og stjórnarformann Skeggfjelags Reykjavíkur og nágrennis. Söfnunarsíðuna hans í Skeggkeppni Mottumars má nálgast hér.

Um þessar mundir stendur Krabbameinsfélagið fyrir átaksverkefni sem miðar að því að fjölga í þeim góða hópi Velunnara sem styðja þétt við bakið á félaginu með mánaðarlegum framlögum. 

Salan á Mottumarssokkunum hófst á miðnætti 9. mars. Segja má að Jakub Harasimczuk hafi verið í startholunum því hann gekk frá sinni pöntun sex mínútum síðar og er því handhafi fyrsta sokkaparsins sem selt er til styrktar Mottumars. Hann er í góðum félagsskap, en forseti Íslands, hr. Guðni Th. Jóhannesson, klæddist sokkunum fyrstur allra einungis hálfum degi fyrr. 

Yfirskrift átaksins í ár er „Ekki humma fram af þér heilsuna“ og vísar til þess að nýleg rannsókn Krabbameinsfélagsins sýndi fram á að karlmenn sem greindust með krabbamein eftir að hafa fundið fyrir einkennum biðu margir í langan tíma með að leita til læknis. Hátt í helmingur þeirra beið í þrjá mánuði eða lengur og um þriðjungur af þeim hópi beið í meira en ár.

Mottumars er hafinn, árlegt árvekni- og fjáröflunarátak Krabbameinsfélagsins. Yfirskrift átaksins í ár hvetur karlmenn til að bíða ekki of lengi með að leita til læknis ef einkenna verður vart. Því fyrr sem krabbamein greinast, því betri eru batahorfurnar.