Fyrirtækið P. Samúelsson hf., umboðsaðili Toyota á Íslandi, hefur gefið Krabbameinsfélaginu nýjan sendibíl af gerðinni Toyota Hiace, að verðmæti á þriðju milljón króna. Bifreiðin er hvít og hefur verið merkt Krabbameinsfélaginu.

Dregið verður í sumarhappdrætti Krabbameinsfélagsins 17. júní, að venju. Nú verða vinningsnúmerin, sem í þetta sinn eru 145 að tölu, birt í fyrsta sinn á netinu, auk þess sem vinningaskráin kemur í dagblöðum eins fljótt og kostur er á. Skráin verður sett á heimasíðu happdrættisins (http://www.krabb.is/happ/) þann 18. júní og ætti að vera komin þar um klukkan 10 árdegis.