Vísindasjóður óskar eftir umsóknum
Vísindasjóður Krabbameinsfélagsins óskar eftir umsóknum um styrki úr sjóðnum. Umsóknarfrestur rennur út á miðnætti þriðjudaginn 22. mars.
Markmið Vísindasjóðs Krabbameinsfélagsins er að efla rannsóknir á orsökum krabbameina, forvörnum, meðferð og lífsgæðum sjúklinga. Fjölbreytt rannsóknarverkefni eru styrkt af Vísindasjóðnum. Sérstaklega er hvatt til umsókna til klínískra rannsókna og rannsókna sem tengjast börnum og unglingum.
Stofnfé sjóðsins eru styrkir og gjafir frá almenningi og fyrirtækjum um allt land. Við þökkum öllum velunnurum félagsins. Með þeirra stuðningi varð stofnun sjóðsins að veruleika.
Sjóðurinn hefur veitt 58 styrki, samtals að upphæð 316 milljónum króna.
- Umsóknareyðublað, úthlutunarreglur og aðrar upplýsingar er að finna á www.krabb.is/visindasjodur/
- Umsóknarfrestur rennur út á miðnætti þriðjudaginn 22. mars
- Umsóknir skal senda rafrænt á visindasjodur@krabb.is
- Hámarksupphæð styrks er 10 milljónir króna
- Styrkur vegna sama verkefnis er veittur að hámarki í þrjú ár
- Sækja auglýsingu
