Laust starf: Sérfræðingur - fjáröflunar- og markaðsmál
Ertu lipur í samskiptum, ritfær, sniðug/ur og markaðslega þenkjandi? Við hjá Krabbameinsfélaginu erum að leita að liðsfélaga til að vinna með samstarfs- og styrktaraðilum okkar.
Samstarfs- og styrktaraðilar gera félaginu kleift að stunda krabbameinsrannsóknir, bjóða ókeypis stuðning og ráðgjöf hjúkrunarfræðinga og sálfræðinga, forvarnir og hagsmunagæslu fyrir þá sem greinast með krabbamein og fjölskyldur þeirra.
Krabbameinsfélagið á ótalmarga góða að. Þar eru fremstir í flokki Velunnarar , mánaðarlegir styrktaraðilar félagsins, fólk og fyrirtæki sem styðja málstaðinn í Bleiku slaufunni og Mottumars, ásamt fjölda aðila sem leggur okkur lið með margvíslegum hætti allt árið um kring. Nýr liðsfélagi mun taka virkan þátt í Bleiku slaufunni og Mottumars ásamt fjölda spennandi verkefna eins og Styrkleikunum.
Helstu verkefni og ábyrgð
- Þátttaka í verkefnum sem miða að fjölgun samstarfs- og styrktaraðila
- Mótun ferla fyrir skráningu í kerfum til að tryggja góða þjónustu og yfirsýn
- Þátttaka í skipulagningu og framkvæmd viðburða
- Umsjón með sjálfboðaliðum í tengslum við viðburði og fjáröflunarverkefni
- Þátttaka í umsjón samfélagsmiðla
- Samskipti við söluaðila og umsjón með dreifingu á vörum til söluaðila í átaksverkefnum.
Menntunar- og hæfniskröfur
- Við leitum að öflugum liðsfélaga með hjartað á réttum stað, sem vill gera gagn og vinna með úrvalsteymi með mikinn metnað, til árangurs í þágu samfélagsins. Við teljum mikilvægt að þú sért með:
- háskólamenntun sem nýtist í starfi
- viðeigandi starfsreynslu þar sem reynt hefur á lipurð og færni í samskiptum í þjónustu og/eða sölustörfum
- þekkingu á stjórnun viðskiptatengsla (CRM)
- úrvals skipulagsfærni
- mjög góða ritfærni á íslensku
- frumkvæði til að móta ný verkefni
- tæknilega fær og töluglögg/ur
- Kostur ef þekking er á efnisgerð fyrir rafræna miðla, á auglýsingum á samfélagsmiðlum, fjáröflunarmálum og/eða viðburðastjórnun.
Umsóknir skal senda Kolbrúnu Silju Ásgeirsdóttur fjáröflunar- og markaðsstjóra Krabbameinsfélagsins á netfangið kolbrun@krabb.is fyrir 7. febrúar nk. Kolbrún Silja veitir einnig nánari upplýsingar.