Alþjóðadagur gegn krabbameinum #3 Meðferð
Meðferðarúrræði batna stöðugt. Þó við séum ekki heilbrigðisstarfsmenn eða vísindamenn getum við öll lagt eitthvað af mörkum til að styðja fólk sem er í meðferð.
Þann 4. febrúar er alþjóðadagur gegn krabbameinum. Tilgangur dagsins er að hvetja til umbóta og eflingar á sviði forvarna, greiningar og meðferða gegn krabbameinum. Slagorð dagsins er „Ég er... og ég ætla...“ þar sem hverjum fyrir sig gefst færi á að lýsa sinni leið í baráttunni gegn krabbameinum. Má bjóða þér að taka þátt?
Stuðningur og velvilji getur haft verulega þýðingu fyrir þá sem greinast með krabbamein. Það veitir styrk að finna fyrir stuðningi og umhyggju. Við getum öll lagt eitthvað af mörkum til að styðja fólk sem er í meðferð eða hefur lokið meðferð.
- „Ég er xxx og ég ætla að vera til staðar fyrir vin sem er með krabbamein.“ Þegar vinur eða ættingi greinist með krabbamein vitum við stundum ekki alveg hvað við getum gert til að hjálpa, þó að okkur langi til þess. Það þarf samt ekki að vera mikið eða flókið og hér má fá nokkrar hugmyndir.
- „Ég er xxx og ég ætla að sýna samstarfsmanni stuðning.“ Stuðningur og velvilji samstarfsfólks getur haft þýðingu fyrir þann sem greinist. Hér eru ráð sem geta sem geta komið að gagni fyrir samstarfsfólk og yfirmen þegar vinnufélagi greinist með krabbamein.
- „Ég er xxx og ég ætla að styrkja krabbameinsrannsóknir.“ Hér má styrkja Krabbameinsfélagið sem m.a. heldur úti öflugum vísindasjóði og sinnir krabbameinsrannsóknum.
