Vegleg gjöf frá Grímsey
Kiwanis-klúbburinn Grímur frá Grímsey gerði sér lítið fyrir og sendi Krabbameinsfélaginu gjöf upp á 100 þúsund krónur. Það er einkar vel af sér vikið og fær klúbburinn hjartans þakkir frá Skógarhlíð í Reykjavík
Kiwanis-klúbburinn Grímur er stofnaður í Grímsey árið 1978. Reglulegir fundir eru haldnir í Félagsheimilinu Múla í mögulega nyrsta þéttbýli heims þar sem er að finna Kiwanis-klúbb. Á einum slíkum fundi í vikunni var ákveðið að færa Krabbameinsfélaginu veglega gjöf, sem nemur alls 100 þúsund krónum. Í Grími eru alls 23 félagar og verður þetta að teljast afar vel af sér vikið.
Krabbameinsfélagið skilar Grími hjartans þökkum fyrir þetta glæsilega framlag.
