Vefverslun blómstrar
Vefverslun Krabbameinsfélagsins hefur eflst mikið á undanförnum misserum enda sífellt fleiri sem kjósa að styðja við Krabbameinsfélagið með því að kaupa vandaðar gjafavörur í gegnum vefsíðu félagsins.
Til að mæta óskum ört vaxandi viðskiptanahóps hefur félagið ráðið öflugan starfskraft til að sinna verkefninu. Ólöf Jakobína Ernudóttir var ráðin í starfið, en hún er hönnuður og hefur meðal annars starfað sem blaðamaður og stílisti fyrir Gestgjafann.
„Það er frábært að vinna við það sem maður hefur áhuga á, eins og í mínu tilfelli að velja saman vandaðar og fallegar vörur fyrir heimilið og svo er líka gott fyrir sálina að vinna fyrir gott málefni,“ segir Ólöf.
Hægt er að sækja vörur í húsnæði félagsins að Skógarhlíð 8 í Reykjavík eða fá heimsent og allur ágóði af sölunni rennur beint til Krabbameinsfélagsins.
