Takk fyrir komuna
Nýafstaðið málþing í tilefni af alþjóðadegi krabbameinsrannsókna vakti greinilega forvitni margra, því húsfyllir var í Skógarhlíðinni auk þess sem fjölmargir fylgdust með í streymi. Krabbameinsfélagið vill koma á framfæri kærum þökkum til allra sem tóku þátt.
Á fimmtudaginn síðastliðinn fór fram málþing undir yfirskriftinni Varðar mig eitthvað um krabbameinsrannsóknir? Já, því vísindin eru leiðin fram á við. Að málþingi loknu bauð félagið upp á léttar veitingar ásamt veggspjaldakynningum um krabbameinsrannsóknir. Þátttaka var gjaldfrjáls og öllum opin, auk þess sem málþinginu var streymt í beinni á Vísi. Fjölmargir lögðu leið sína til okkar til að hlýða á fyrirlesarana og fræðast um vísindin á mannamáli.
Við þökkum öllum þeim sem komu að ráðstefnunni með einum eða öðrum hætti kærlega fyrir sitt framlag og öllum sem hlustuðu fyrir að láta sig málið varða.