Takk fyrir að SÝNA LIT
Gleðin var alls ráðandi á opnunarviðburði Bleiku slaufunnar í Háskólabíói þann 29. september. Myndirnar sem hér fylgja segja allt um stemminguna.
Á Bleika kvöldinu var auglýsing átaksins sýnd sem byggir á ljóði eftir Ásdísi Ingólfsdóttur en saga hennar er einstök. Ásdís greindist með brjóstakrabbamein í tvígang. Fyrst fann hún æxli í vinstra brjósti og fimm árum síðar í hinu. Reynsluna setti hún fram í ljóðinu „Dregið verður um röð atburða“ sem herferð Bleiku slaufunnar byggir á.
Ásdísi og þeim Orra Finnbogasyni og Helgu Friðriksdóttur hjá Orrifinn Skartgripum, sem hönnuðu slaufuna í ár, var þakkað kærlega fyrir þeirra mikilvæga framlag til Bleiku slaufunnar.
Halla Þorvaldsdóttir, framkvæmdastjóri Krabbameinsfélagsins, fór svo stuttlega yfir starfsemi félagsins og mikilvægi Bleiku slaufuna sem árverkni- og fjáröflunarátaks.
Síðan komu þau Rebekka Blöndal og Karl Olgeirsson og tóku nokkur lög og komu gestunum í réttu Parísarstemminguna fyrir forsýningu myndarinnar „Mrs. Harries goes to Paris".
https://www.youtube.com/watch?v=pVftZpwo954
