Stuðningsnetið
Kraftur – stuðningsfélag fyrir ungt fólk með krabbamein hefur í nokkur ár starfrækt stuðningsnet þar sem ungt fólk, sem fengið hefur krabbamein og aðstandendur, hefur fengið sérstaka þjálfun til að veita öðrum í sömu stöðu ráðgjöf og stuðning.
Í gegnum samstarf Krafts og Krabbameinsfélagsins hefur Stuðningsnetið nú verið opnað þannig að það nýtist öllum, óháð aldri eða tegund krabbameins.
Félagsmenn fleiri aðildarfélaga hafa fengið viðeigandi þjálfun og eru hluti af Stuðningsnetinu.
Þorri Snæbjörnsson, sálfræðingur, er verkefnisstjóri stuðningsnetsins. Nánari upplýsingar fást í síma 800 4040 eða með því að senda póst á radgjof@krabb.is.
Kynningarátakið Ég skil þig
Verið er að vinna kynningarmyndbönd um Stuðningsnetið þar sem stuðningsfulltrúar lýsa reynslu sinni af hlutverkinu. Flestir segjast vilja gefa til baka og að reynsla þeirra skipti miklu máli, því þeir sem hafi gengið í gegnum slíkt ferli skilji aðstæðurnar betur.
