Skimanir hefjast að nýju
-
Guðrún Birgisdóttir, geislafræðingur, í brjóstamyndatöku á Leitarstöð 2019.
Leitarstöðin opnar að nýju þann 4. maí eftir tímabundið hlé sem gert var á brjósta- og leghálsskimunum vegna Covid-19. Opnað hefur verið fyrir tímapantanir og hvetjum við allar konur sem hafa fengið boðsbréf til að bóka tíma.
Í samræmi við fyrirmæli Landlæknis var gert tímabundið hlé á skimunum Leitarstöðvarinnar en við opnum á ný 4. maí, með fyrirvara um að faraldurinn blossi ekki upp aftur.
Tekið er við tímapöntunum í síma 540 1919 og á bókunarformi á netinu .
Við höldum áfram að gera okkar ýtrasta til að fara eftir fyrirmælum sóttvarnalæknis, passa upp á fjarlægð á milli einstaklinga og fjölda í hverju rými.
Því er mikilvægt að konur:
- Komi á þeim tíma sem þær hafa bókað, ekki of snemma og ekki of seint.
- Komi ekki í fylgd með öðrum inn á Leitarstöðina, þurfi þær aðstoð eru þær beðnar um að hafa samband við Leitarstöðina í síma 540 1919.
- Bíði með að koma til okkar hafi þær flensulík einkenni.
Við biðjum alla sem koma í Leitarstöðina að sýna þolinmæði og tillitsemi svo unnt sé að fylgja þessum fyrirmælum.
Við hlökkum til að taka á móti ykkur.
https://youtu.be/joeaQpz8g9Y
